طلاب الثانوية العامة يتداولون استمارات “تمرد”

أنشأ عدد من طلاب الثانوية العامة، استمارة باسم “تمرد طلاب الثانوية العامة”؛ للمطالبة بتعديل تنسيق الالتحاق بالجامعات.

وكتب الطلاب في هذه الاستمارة: “عشان فيه غش وتسريب للامتحانات يبقى لازم تعديل التنسيق، وعشان اللي معاه موبايل يجيب مجموع يبقى لازم تعديل التنسيق، وعشان اللي ذاكر وتعب تساوى مع الفاشل يبقى لازم تعديل التنسيق، عشان حلمنا ضاع يبقى لازم تعديل التنسيق، عشان مش عاوزين نشوف دمعة اهالينا يبقى لازم تعديل التنسيق، وعشان تعب السنة ما يضيعش على الفاضي يبقى لازم تعديل التنسيق، وعشان تكل واحد ياخد على قد تعبه يبقى لازم تعديل التنسيق، وعشان كل واحد يحقق حلمه يبقى لازم تعديل التنسيق، وعشان املنا في مستقبل افضل يبقى لازم تعديل التنسيق”.

كما كتبوا في الاستمارة: “أعلن أنا الموقع ادناه بكامل ارادتي وبصفتي طالب في الثانوية العامة، الموافقة على تقليل تنسيق الالتحاق بالجامعات لعام 2014 والغاؤه، وجعل الكليات بامتحان قدرات حتى نستطيع معاً أن نبني مستقبلا جديدا، وتطلب الاستمارة من كل طالب كتابة: اسمه ورقم جلوسه ورقمه القومي والمحافظة والتوقيع”.

ويتداول الآن طلاب الثانوية العامة، هذه الاستمارة على موقع التواصل الاجتماعي الفيس بوك، خاصة الصفحات الداعية للتظاهر امام التعليم مع بدء فترة التنسيق يوم 20 يوليو، للمطالبة بتعديل نظام القبول بالجامعات.
صدى البلد