سبرينج رولز على “سفرة دايمة”

 

 

أعدّها لكم: نيرة أحمد

النهارده هنعمل سبرينج رولز بطريقة سهلة وبسيطة ليكي ولعيلتك، وتقدري تقدميه طبق جانبي في وجبة الغداء.

سبرينج رولز
المقادير:
علبة سبرينج رولز جاهزة
كوب بصل أخضر مقطع حلقات
كوب كرنب أبيض مقطع شرائح
كوب كرنب أحمر مقطع شرائح
ملعقة كبيرة عسل أبيض
ملعقة كبيرة ثوم مفروم
ملعقة صغيرة زنجبيل
كوب جزر مبشور
ملعقة كبيرة زيت
ملح وفلفل أسود
ملعقة كبيرة خل

الطريقة:
1- شوحي الثوم في الزيت على النار وضيفي عليه الزنجبيل والكرنب الأبيض والأحمر والجزر والبصل وقلبيهم مع بعض على النار لمدة دقيقتين، وبعدين ضيفي الخل والعسل والملح والفلفل الأسود.

2- استمري بالتقليب لمدة دقيقة، وبعدين ارفعي الخليط من على النار وابدأي احشي به أوراق السبرينج رولز ولفيها كويس (مكن تدهني الأطراف بالبيض).

3- رصي السبرينج رولز في صينية ودخليها الفرن لحد ما يبقى لونها دهبي، وقدميها.. وبالهنا والشفا.

 

خلصت وصفتنا النهارده..
استنونا كل يوم مع وصفات جديدة..
سلام،،،

 

بص وطل