بالصور.. توابع تفجير الهرم..

»السكان: تركنا عمارتنا خشية وقعوها بعدما مال عليها «عقار التفجير».. هانفضل بالشارع لامتى

»المتضررون: الانفجار دمر العمارة ودفع الجثث لداخل عمارتنا.. وشفنا الإرهابيين وهم يهربون

بقايا متعلقات ودماء خطت جدران شقق تعرضت للتدمير التام في عمارة تقع خلف العقار الذي شهد تفجير قنبلة في شارع حسن عثمان المتفرع من شارع نزلة السيسي، مساء الخميس الماضي، وراح ضحيته 10 شهداء بينهم ضابطان وأمين شرطة، وإصابة أكثر من 15 شخصًا.

مخاوف سكان «العمارة الخلفية» من انهيارها نتيجة ميل «عقار التفجير» عليها، دفعتهم إلى إخلائه ومغادرته إلى الشارع فيما انتقل بعضهم لبيوت أسرهم، وحينما خاطبوا الحي لإصلاح الأضرار الفادحة التي لحقت بالعمارة كان الرد «مالناش دعوة بيكم».

وعبر رقمنا على «واتس آب» كتب سكان العمارة المتضررة من التفجير إلى «شارك المصري اليوم»، وأفادونا بصور أظهرت تدمير وحداتهم السكنية.

وقالوا: «نحن سكان العقار اللى في ظهر عقار الحادث، كل شى عندنا دُمر من حمامات ومطابخ وأجهزة، والله الجثة طالعة من حمام البيت عندنا، ومواسير المياه والغاز باظت وإحنا دلوقتى عند أهالينا وسايبين بيوتنا علشان الحى بيقول ملناش دعوة بيكم وإن عقار الحادث هيتم إزالته بس بعد ما السكان ينقلوا عفشهم وأصلا العقار دة مأثر علينا يعنى لو وقع هيقع علينا».

وأجرى «شارك المصري اليوم» اتصالا بالسكان لمعرفة المزيد من التفاصيل، وقالت إحدى المتضررات: «سيبنا العمارة وبقينا في الشارع عشان خايفين تقع علينا، لأن العمارة اللي حصل فيها التفجير وتضم 16 طابقا مخالفا، مالت».

وأضاف: «شدة الانفجار دفعت الجثث إلى عمارتنا، ومنهم جثة ضابط وقعت في بانيو شقة عندنا والأشلاء تطايرت علينا، وتهدمت شقتين كاملتين في العمارة، ودُمرت جميع وصلات المياه والغاز وخالي وابنة خالي وقعت عليهم الجدران.. ووقتها شوفنا الإرهابيين وهما بيهربوا من خلال عمارتنا، كانوا يرتدون جلابيب بيضاء وشيلان على رأسهم، مكناش مستوعبين اللي بيحصل لأن التراب كان كتير ومكناش مدركين حاجة».

وتابعت: «لما كلمنا الحي عشان يشوف الأضرار اللي تعرضنا لها ويصلحها، قال لنا (مالناش دعوة بيكم واحنا مستنيين لما الناس اللي في العمارة اللي تم فيها تيجي تاخد متعلقاتها عشان نهدمه).. طيب هم مهتمين بعقار التفجير، واحنا في العمارة اللي هاتقع هانفضل متشردين في الشارع.. والأجازة خلصت وولادنا هايرجعوا المدارس ومش عارفين نعمل إيه».

وأشارت المواطنة إلى أن العمارة، الواقعة في 23 شارع حسن عثمان المتفرع من شارع نزلة السيسي، تعيش فيها 10 أسرة وتتكون من 5 طوابق.

والمتضررون هم: «هشام أنور عزب (الدور الرابع)، تيسير خلاف عطية (الدور الخامس)، معتز عزب أنور (الدور الأول)، أنور جمال عزب (الدور الثاني)، شريف أنور عزب (الدور الثالث)».

 

 

 

 

 

 

المصرى  اليوم