“عبدالرحمن عز” عن تفجيرات “فرنسا”

علق الإخواني الهارب “عبد الرحمن عز”، على التفجيرات التي وقعت في “باريس”، مساء أمس، قائلا: مش متخيلين الهجمات دي أثرها ايه على المسلمين والعرب، تخيل يا أخي كده فرنسا هتقتلها كام مليون مسلم عربي في الجزائر، أنت متخيل فرنسا هتقتل كام ألف مسلم في مالي.

وتابع خلال صفحته على “فيس بوك“، وعندك كمان أفريقيا الوسطى شوف بقى هيحرقوا كام ألف مسلم ويهجروهم من قراهم ومدنهم، ولا أفغانستان شوف بقى ممكن يهاجموها ويعملوا فيها ايه، وسوريا نسيت ممكن يعملوا ايه في سوريا يا مؤمن، الهجمات دي هتخليهم يدعموا بشار السفّاح وممكن يتقتل فيها (٥٠٠٠٠٠) مسلم عربي يعني نص مليون بني آدم، وممكن دي تكون بداية لضرب السوريين بالكيماوي.

وأضاف:  تخيل أن كده ممكن يدعموا احتلال الصهاينة لفلسطين ويستمر الاحتلال ل٦٠ سنة بدعمهم وتمويلهم وسلاحهم !!!، لا يا جماعة “ميصحش كده”، الوضع ده لازم يخلي الواحد يعرب بشدة عن قلقه العميق تجاه أحداث العنف في فرنسا وندين كافة أشكال العنف تجاه الأبرياء.