الأخبار
لما كنا صغيرين.. كنا أبسط
لما كنا صغيرين
لما كنا صغيرين.. كنا أبسط
كنا فعلا مبسوطين..
كنت احبك مش بخاف
قلبي لسه ماكانش شاف
كنا فعلا طيبين..لما كنا صغيرين
كان ماعنديش شغل بكره
لسه طازه كل فكرة
وكل حاجة لسه بكر!
كنت ماستحملش اغشك
كان مافيش ماكياج ف وشك
دنيا ماتمسختش فكر..
كنا أبسط.. لما كنا صغيرين..
كان مدى شوقنا و هدفنا
خدنا بوسة ماحد شافنا!
وإننا نفضل لبعض..
كان مافيش أسهم ف بورصة
كان مافيش ولا قاعدة خرسا
كنا فعلا جوه بعض..
والسنين فاتت سنين
والبيوت مش دفيانين
كل شيء أصبح عبث
و احنا مش متأكدين
احنا احنا.. ولا احنا ..روحنا روحنا
ولا رحنا وكل شيء اصبح حزين
كنا أبسط..لما كنا صغيرين..
الموجز
