المخترع الصغير يقدم نصائح لمنع مراقبة مواقع التواصل الاجتماعي

قدم عبدالله عاصم، المعروف بـ«المخترع الصغير»، نصائح لمستخدمي مواقع التواصل الاجتماعي للتغلب على مراقبة صفحاتهم الشخصية، بعد التصريحات الصادرة من وزارة الداخلية بشأن مراقبة المواقع.

 

 

بدأ «عبدالله»، نصائحه على صفحته على «فيس بوك»، الأربعاء، قائلا: «حضرتك ما تفتحتش المتابعين أو الفولورز وتخلى البوست للأصدقاء فقط، ماتتكلمش عن كل حاجة بتحصل في اليوم بتاعك».

 

 

وواصل: «ماتطلعش أي بيانات شخصية عنك في الرسايل أو في البوست، وبكده مفيش أي حد هيقدر يتابع انت بتعمل إيه على فيس بوك أو نشاطك أو توجهاتك غير قائمة الأصدقاء وبس».

 

 

وقال «عبدالله» إن «الحكومة ملهاش صلاحيات إنها تتابع الحسابات الخاصة بالمستخدمين بشكل فورى أو مستمر».

 

 

وتساءل: «الحكومة بتراقب الناس إزاى؟»، مضيفا: «أي شخصية بتأثر على الرأى العام وليها آلاف المتابعين أكيد الحكومة بتابع كل كلمة بتقولها، وده لا يخضع تحت اسم التجسس.. دى متابعة زى أي متابع، ولما الشخصية العامة دى تكتب كلام معارض للنظام ساعتها توجهله مسألة قانونية».

 

المصري اليوم