مواطنة تنشر تفاصيل سرقة «مول مصر» في ليلة رأس السنة

 

 

 

نشرت مواطنة تدعى “يارا محمد” على أحد المجموعات بموقع التواصل الاجتماعي “فيسبوك” فيديو يظهر سرقة “مول مصر” في ليلة رأس السنة.

وكتبت “يارا”: “سرقه مول مصر في ليلة راس السنة.. المول لأول مره يبقي زحمة من ساعة افتتاحه السنة اللي فاتت وموضوع السرقة بدأ بناس بتاخد الزرع اللي موجود في ممرات المول والمحلات وبعدين ناس بدأت تمد إيديها في الأكشاك اللي موجودة دي وتاخد من الحاجات المتغطية وعشان الدنيا تبوظ اكتر بدأ يقولوا لبعض دي هدايا بمناسبة السنه الجديدة!! والناس كلها هجمت تاخد اللي تقدر عليه وحاجات كتير جدا اتكسرت”.

وتابعت: “من وسط كل ده كان في ناس واقفه تتفرج وناس بتسرق وأمن المول كان غايب تماماً لمدة ١٠ دقايق كان كل حاجة في المكان ده اتسرقت.. المكان الوحيد اللي متسرقش هو اللي أنا كنت واقفة جواه كأني صاحب الحاجة أنا وواحد زميلي ولما الأمن وصل طبعا مكنش في أي حاجه يعملوها.. سلمناهم الفيديو ده وفيديوهات تانية وكالعادة مفيش حاجة حصلت وربنا يعوض على أصحاب الحاجات اللي اتسرقت”.

لمشاهدة الفيديو
يذكر أن مول مصر هو مول و مركز تجاري يقع بمدينة السادس من أكتوبر، افتتح في مارس 2017، على مساحة 165000 متر مربع، بتكلفة استثمارية بلغت 722 مليون دولار، وترجع ملكيته إلى مجموعة ماجد الفطيم.

 

 

 

الموجز