بالفيديو..” هابى فالنتين ع الناس الطيبين “.

 

عيد الحب ” مناسبة عالمية تحتفل به كل دول العالم مع اختلاف التوقيت فله موعد فى كل دولة وفق السياق التاريخى لهذه المناسبة ومرجعيتها التاريخية، ويعرف العالم كله عيد الحب باسم يوم «الفالنتين» وتحتفل معظم دول العالم بهذا العيد فى 14 فبراير من كل عام .

وفى الوقت الذى يحتفل فيه العالم بـعيد الحب في يوم 14 فبراير من كل عام فإننا فى مصر نحتفل به 4 نوفمبر من كل عام، وهو اليوم الذي اختاره الكاتب الصحفي مصطفي أمين نزولا على رغبة بعض القراء في عموده الشهير “فكرة”، وهو يوم عيد الحب المصري.

كاميرا اليوم السابع رصدت ذكريات مجموعة من كبار السن، فى يوم الإحتفال بعيد الحب ، وهل يحتفلون به ؟! وماذا عن طرق الإحتفال  ،  حيث قال أحد المواطنين :” مكناش بنحتفل وإحنا صغيرين ..إحنا شقينا “، موجها رسالة حب لكل المصريين ورئيس الجمهورية قائلا :” كل سنه وهما طيبيبن ومصر طيبه وربنا يخلينا السيسى يارب “.

وفى السياق ذاته قالت سيده أنها لم تحتفل بعيد الحب قائله معرفش على أيامنا كان فيه ولامافيش لكن ولادى دلوقتى بيحتفلوا بيه موجهة رساله تهنئه للمصرين  :” دايما كدة إحنا فى أعياد إنشاء الله ومصر فى خير انشاء الله”

واستطرد أخر قائلا  :” احتفلت بيه زمان أيام ماكنا شباب كنا بنطلع ونتفسح دلوقتى مافيش كبيرنا وأيام الحب زمان كانت أحسن من دلوقتى .. الصدق والمشاعر كانوا أحسن من دلوقتى واللى حبتها زمان هى اللى لسه معايا وماعيش غيرها وربنا يخليها ليا ..وربنا يخلينا مصر “

فيما تسآءل آخر :”يعنى إيه فالانتين ” ، وعند الاشارة عن أنه عيد الحب، قال :”سمعت عنه وماحتفلتش قبل كدة بيه”

وأشار آخر عقب إهدائة وردة أنها المرة الأولى التى يحتفل فيها بعيد الحب ، قائلا :” نفسى الدنيا كلها تحب بعضها لو الناس كلها حبت بعضها هنلاقى الدنيا كلها جميلة “

وأضاف آخر أنه يحتفل بذلك اليوم كاحتفال أسرى، قئلا :”ما بحتفلش بيه برا ..وكل سنه والناس طيبيبن ووربنا يكرم الناس كلها ويفضلوا فى محبه وحب على طول”

واستكمل آخر  :” احتفلت بيه أيام الشباب والحب زمان كان حب حقيقى ودلوقتى أصبح الحب مزيف ونفسى اللى يحتفل دلوقتى يبقى حب حقيقى مش مزيف وياريت ربنا يديم عليهم النعمه ويفضلوا يحبوا بعض لحد مايموتوا “

وعقب اخر أنه لايعرف أن اليوم هو عيد الحب قائلا :”إحنا ناس غلابه وعلى قد حالنا .. ومصر طيبه وبخير   وربنا يوفق الناس بحالها “

وأكد آخر عقب إهدائة وردة أن هذه هى المرة الاولى التى يحتفل فيها بالفلانتين، قائلا :” زمان كان شقى ..ولادى دلوقتى هما اللى بيحتفلوا ومبسوط علشان بيعيشوا شبابهم “

وأضافت أخرى:” أنالم أحتفل به ولم أعرفه من قبل ماعرفش غير عاشوراء وربنا يصلح حال مصر ويروق الحال وكل الناس تبقى بخير”

 

 

[media width=”400″ height=”305″ link=”http://www.youtube.com/watch?v=9eqvXd7FEiY&feature=g-all-xit”]

 

 

اليوم السابع