قـــــــلـــــــــمين !!
طيلة استماعي إلى خطاب الرئيس المؤقت عدلي منصور، لم تفارقني صورة رأيت فيها الرئيس المخلوع محمد مرسي وهو يتفرج على خطاب خلفه بالجلابية البيضاء وهو يأكل المانجة الفص، وهو يقول لمن حوله متقمصا دور اللمبي في تحسره على أمجاده «ييجي فين ده في خطابات المرسي وفصاحة المرسي.. أولا طلع على الشعب في معاده ورخّص نفسه بدل ما يشوّق الناس ويربطهم قدام التلفزيون بالساعات.. وبعدين ده التسع دقايق اللي خطبهم دول كنت باسلك بيهم زوري في أول الخطاب.. وفي الآخر خطاب لا فيه أبلج ولا لجلج ولا الحارة المزنوقة ولا صوابع بتلعب من جوه والحاجات اللي كنت بابسط بيها الناس.. والله العظيم البلد دي باظت.. يالله عائدون بإذن الله.. هاتوا لنا مانجة تاني يا إخوة».
