نشطاء “تويتر” يرشحون صافيناز للرئاسة
أعلن نشطاء تويتر دعمهم للراقصة صافيناز للترشح للرئاسة من خلال هاشتاج ساخر بعنوان “حملة دعم صافيناز رئيسًا للجمهورية”، طالبوا خلاله صافيناز بالمساهمة في سداد ديون مصر، مؤكدين أنها الأمل الوحيد لإنعاش الاقتصاد.
وسام كمارا: “# حملة دعم صافيناز رئيسا للجمهورية.. الجيل التالت من دينا”.
nnnnmmmm454 5h: “رعشة صافيناز ولا رعشة حكومة الببلاوي.. النقطة.. لسداد ديون مصر”.
محمد غريب: “صافيناز الأمل الوحيد لإنعاش اقتصاد مصر”.
محمد عصام: “اللي مش متجوز ممكن يسمع خطابتها.. هو كده زي الفل”.
كريم حسن: “واحدة مننا وبترقص لنا ومش هاتخمنا.. على الأقل أهي وجهة مشرفة مش الحصان القصير”.
icKamal ” # حملة دعم صافيناز رئيسا للجمهورية لازم “صافي”.
أحمد هشام: “برغم أنها مش مصرية.. بس نعمل استثناء علشان خاطرك يا حبيبة قلبي”.
عمرو سامي: “إحنا جربنا جميع أنواع الرؤساء مدني وإسلامي وعسكري مفهاش حاجة يعني لما نجرب صافيناز، محدش عارف الخير فين”.
محمد عباس: “دي بقى اللي هتصلح كل علاقتنا الخارجية”.
شيماء مسعد: “نعم!! كان هو ده كمان اللي ناقص علينا”.
Talia A7mat: “هو يا إخوان يا صافيناز: D مفيش وسط خالص”.
محمد خيري: “كملي جميلك يا صافينار”.
fegl_we_garger: “هاتكون أول ريسة نووي.. خلي صافي تطلب من شعب مصر النزول للشارع صدقني مصر كلها هاتنزل.. مشروع الرقصة”.
negmaalovemoon: “صافيناز مش مجرد رئيسة دي أسلوب حياة”.
أحمد إسماعيل: “هشتكنا وبشتكنا يا ريس.. يا مدلعنا يا مشخلعنا.. تحت شعار منكم ولكم وبهزلكم.. راقصة لكل مواطن.. ادعموا صافيناز رمز الجيلي”.
ندى عطية: “أمها أرمينية مينفعش”.
سماح عفريتة متمردة: “الله يخرب بيتك جننتي الرجالة أكتر ما هما مجانين”.
زكريا عادل فتاح: “اعملو حسابي ممكن أمسكلها الحملة في المنوفية بشرط نعمل حفلة راقصة كل أسبوع”.
أبو هيما: “السبكي هيبقى رئيس وزارة”.
كيرو ناجي: “النشيد الوطني: على رمش عيونها ده الجديد دي تبقى رئيسة الكوكب كله عادي”.
أحمد زويلا: “معاكي يا طاهرة”.
أبو طالب: “بالروح بالدم نفديكي ياصافي”.
RamyUa2: “هشتكنا وبشتكنا يا ريس ده إنت رئيس والنعمة كويس يا مدلعنا ومشخلعنا قول لعدوك روح اتليس”.
فيتو
