الأهالي يستغيثون من برامج التليفزيون
ينظم أولياء الأمور كل عام مع بداية الدراسة اليوم الدراسي لآبنائهم، و كيفية الاستفادة بكل دقيقة به، حتي يتمكنوا من الوصول إلى أفضل النتائج.
و يخصص الآباء موعدا كل أسبوع للتنزه مع الأسرة، أو زيارة الأقارب، أو متابعة برنامج معين، الأمر الذي اختلف هذا العام مع انفجار العديد من البرامج التي يهواها الكبار و الصغار.
و يزعج هذا الآباء لأن لكل برنامج موعده، و الأبناء لا يريدون تضييع دقيقة من أي برنامج، و خصوصا و أن هذه البرامج تكون الحدث اليومي بين الطلبة في المدارس و الجامعات، و بالتالي يصعب على الأهالي عمل جدول محدد للحفاظ على النظام في المنزل أيام الدراسة.
و قامت بوابة أخبار اليوم برصد بعض الآراء بخصوص البرامج الجديدة التي انطلقت مزامنة مع الموسم الدراسي الجديد، و كانت الآراء كالتالي :
قالت “رنا عيد” طالبة، أنا بحب أوي ستار أكاديمي ومن ساعة مبتدا مبقدرش أفوت ولا حلقة، بحس إنهم عيشين معايا حتى لما الموسم بيخلص بحس إني مفتقداهم جدا، فطبيعي استنى البرنامج بفارغ الصبر، يمكن توقيته مش مناسب بسبب الدراسة بس ممكن يكون حافز أكبر إني أذاكر كويس عشان لما أجي أشوفه مبقاش بضيع وقت.
و علقت “هبة إبراهيم” ولية أمر، أنا ببقى طول السنة الدراسية متعصبة جدا، لأني ببقى عاوزة أوصل ولادي لأحسن حاجة عشان باباهم ميقولش إني قصرت معاهم، و خصوصا إنه طول الوقت في الشغل، و ساعات بتعصب و ساعات تانية بخلي البرامج دي اتفاق ما بينا، بخليهم يختاروا حاجة واحدة يشوفوها كل يوم بس قبلها يكونوا خلصوا الواجبات و مذاكرة ولو سألتهم سؤال ومعرفوش الإجابة الاتفاق بينتهي في اليوم ده.
و شارك “أمجد دياب” طالب، و الله المذاكرة يعني لو طول الوقت هتقلب عسكيا، لكن لو كل يوم اتقسم ما بين مذاكرة و راحة الأمور هتبقى أحسن، و النتيجة هتبقى أحسن، و البرامج اللي بتشتغل مع الدراسة أكيد خطة تليفزيون فاشلة، المفروض يختاروا توقيت تاني عشان أكيد المذاكرة أهم.
و قال “يحي شاكر” ولي أمر، لا أنا معنديش استهتار ولا تليفزيون، الدراسة دراسة و الأجازة أجازة، و هو يوم في الأسبوع بخرجهم فيه، غير كدة يبقى انتظام بقى، و أنا معترض جدا على السياسة الإعلامية و الجدول اللي بينزلوا في برامج معينة، بس أنا بخلي ولادي يتابعوا الحاجات عالنت في الأجازة، مش هتطير يعني، و منكرش إن دهب يخليهم كتير يضايقوا بس أنا أهم حاجة عندي مصلحتهم حتى لو زعلوا مني
اخبار اليوم
