“مصطفى حجازي” يعيد هيبة الدولة

دشن النشطاء “هاشتاج” خاص بالدكتور مصطفى حجازي المستشار السياسي لرئيس الجمهورية، قارنوا فيه بين الثقة واللباقة التي يتحدث بها حجازي وبين المتحدث السابق للرئيس المعزول ياسر علي، ومجموعة رجالات الدولة الآن وبين رجال دولة الإخوان، ليؤكد النشطاء أن حديث حجازي في المؤتمر الصحفي يعيد هيبة الدولة المصرية بعد فقدانها أيام الإخوان.
أحمد محمود عطية: “ألف تحية لمصطفى حجازي بيتكلم بثقة وهيبة كدة غريبة هما دول المصريين، مش المعفن بتاع دونت ميكس، كان كاسفنا، منه لله”.
هاجر الغمراوي: “بعد الإنجليزي بتاع مصطفى حجازي.. الشعب يطالب بإضافة تهمة جديدة لمرسي.. تهمة تحريف اللغة الإنجليزية حقيقة”.
دوق فليد: “مصطفى حجازي المتحدث الرئاسى، الراجل في عشر دقايق نسَّاني اللي كنت بسمعه لمدة سنة كاملة من ابن العياط”.
وائل دسوقي: “أنا بحب كتابات الراجل ده أوى بس أول مرة أعرف إنه متحدث لبق وشخصية محترمة”.
د. على أسيوط: “مصطفى حجازى قال اللى كلنا عاوزين نقوله بأسلوب واضح ومباشر وواثق، شكرا د. حجازى”.
د. هاني: “مصطفى حجازى رجل ردوده جاهزة وبمعلومات وعارف بيقول إيه”.
غادة أحمد: “قال كل حاجة وجاب من الآخر يبقى حد يعترض على حاجة قالها، كلامه مفيهوش غلطة”.
ميار أيمن: “ما إحنا عندنا ناس نضيفة وبتفهم في مصر أهوه، أمال إيه البلاوى اللى نفخانا دى في البلد”.
نهلة صبحي: “مواطن مدني ذو خبرة سياسية واسعة وصاحب كاريزما واضحة وأعتقد لا يختلف على وطنيته أحد.. مصطفى حجازى مرشح رئيس جمهورية مصر”.
أحمد محرم: “ليه هيبة كدا تحسسك إنك في دولة محترمة.. عاوزين من ده يا حزومبل”.
محمد عبد الرحمن: “مش بعيد تلاقى نص الشعب المصري النهارده بيقرأ كتب لمصطفى حجازي أنا أرشحلكم كتاب التخلف الاجتماعى: مدخل إلى سيكولوجية الإنسان المقهور”.
إسلام مكرم: “مصطفى حجازي المتحدث باسم رئاسة الجمهورية.. تعظيم سلام”.
علياء علاء مشالي: “أحب أقول للمعزول مرسي: إنت لسه بتقول إنك بتعرف تتكلم English؟!”.
إسراء عبد الوهاب: “مصطفى حجازى لو اترشح للرئاسة معظم بنات مصر هتنتخبوا وهيبقى واثق من الفوزززز”.
مدحت إسماعيل وألفريد عازر: “مصطفى حجازى أنت خير من يمثل مصر، الله عليك”.
صلاح حيدا: “ماذا يحدث إذا خرج مصطفى حجازى بمؤتمر كل فترة يشرح للعالم ما يحدث في مصر”.
محمد كمال: “لما تبص للراجل المحترم ده وتفتكر العريان وأم أيمن ومرسي هتقول سنة سوداء من تاريخ مصر ولت”.
سمسم سيكو: “أنا أول ما جبت المؤتمر افتكرت حد من أمريكا هو اللى بيتكلم”.
سماح: “مصطفى حجازى بيتكلم إنجليزي من غير ورقة.. مرسي مكانش عارف يتكلم عربى بورقة”.
زينب خالد: “لما بشوف مصطفى حجازى وبعدين أفتكر ياسر على ببقى عايزة أعيط”.
مايكل ويلسون: “دكتور مصطفى حجازى!!! إيه ده يا راجل!!! أخيرا المناصب الرسمية في مصر رجعت ليها هيبتها بعد ما اتهانت كتيييير جداااا”.

فيتو