شباب أمام لجان العباسية مكتوب على أيدهم “لا للدستور”

يجوب عدد من الشباب المستقل مرتدين تيشرتات سوداء مكتوب على أيدهم “لا الدستور فاقد الشرعية”، بعدد من اللجان الفرعية بمنطقة العباسية الجولة الأولى للاستفتاء على الدستور، وقام بعضهم بتوزيع بعض البيانات على المارة وبالشوارع الجانبية بعيدا عن قوات الجيش والشرطة المسئولة عن تأمين العملية الانتخابية.

وتضمن البيان، بعنوان “متكررش الغلطة تانى.. قول لا المرة دى”، “يعنى إيه تقول نعم.. يعنى أنت موافق على دستور يخلى بلادنا زى باكستان وإيران.. يعنى أنت موافق على دستور يخلى رئيس الجمهورية فوق المحاسبة والعقاب لو أخطأ”، ” يعنى أنت موافق على دستور يولع فى البلد حتى من قبل ما يبدأ وخلى ناس تموت بعضها”، “يعنى أنت موافق على دستور مش بيعطى للفقراء حقهم وبيظلمهم”، “يعنى أنت موافق على دستور كتبه فئة واحدة وانسحب منه العمال والفلاحين والأدباء والمثقفين والنقابات المهنية والأزهر الشريف والكنيسة” “يعنى أنت موافق تلاقى علم مصر اللى اترفع يوم 6 أكتوبر مكانه علم للمنظمات الإرهابية”، “باختصار يعنى نعمل لجنة جديدة تمثل كل الشعب المصرى ونكتب الدستور كلنا مع بعض ومحدش يظلم ويكون فيه عيش وحرية وعدالة اجتماعية

اليوم السابع