تويتر يسخر من خطاب مرسي: ملخص الخطاب «مسير البلية تلعب.. والزهر فى يوم يعلق.. والورق يحلوووو»

قراءة أخرى: ملخص الخطاب “هما الحلوين علشان حلوين يعملوا كدهو؟ .. ويك أنى أرى مبارك يخطب من جديد
الخطاب: السياحة زااااايدة.. والفلوس ما تتعدش.. والشقق كتيييير.. والايجارات رخييييصة.. والمواصلات فاضياااااا.. وكله زي الفل.. وإحنا اللى شعب نمرووووود.
ناشط: مدام مافيش مظاهرة مؤيدة قبل بدء الخطاب يبقى ما فيش قرارات .. وآخر: مرسي مصر أفلست بس خيرت قالى مقولش
نشطاء: ملخص خطاب مرسى: الاقتصاد زى الفل بس انتوا اللى مش وش نهضة..
تعليقات: مرسى: أمن الخليج العربي “مسئولية قومية”: مش لما تأمن الشوارع من البلطجية.. شكلك بترسم على سلفة

أثار خطاب الرئيس محمد مرسي بالبرلمان أمام نواب مجلس الشورى اليوم، بمناسبة دورة انعقاده الجديدة، العديد من ردود الفعل الساخرة، منتقدين ما وصفوه بـ”انفصال مرسي عن الواقع”.

وجاءت تعليقات النشطاء عبر تدويناتهم القصيرة كالآتي:

ملخص الخطاب: السياحة زاااايدة.. والفلوس ما تتعدش.. والشقق كتيييير.. والايجارات رخييييصة.. والمواصلات فاضيااااااة والشوارع نضييفة.. والمرتبات زاااايدة.. والأمن مستتب.. وكله زي الفل.. وإحنا اللى شعب نمرووووود.

ملخص خطاب مرسي: هما الحلوين علشان حلوين يعملوا كدهو؟ كدهو؟ ولا الطعمين علشان طعمين يعملوا كدهو؟ كدهو؟ ربنا يسامحك يا اللي في بالي

ملخص خطاب مرسي مصر أفلست بس خيرت قالى مقولش لحد

ملخص خطاب مرسي: الدنيا ربيع والجو بديع والشعب مبيحسش بالإنجازات

ملخص خطاب ….مسير البلية تلعب …و الزهر فى يوم يعلق …و الورق يحلوووو

ملخص خطاب #مرسى : الاقتصاد زى الفل بس انتوا اللى مش وش نهضة

#مرسى :- أمن الخليج العربي مسؤولية قومية !!! . مش لما تأمن الشوارع من البلطجية و اللى بيسبتوا الناس على الطرق

بقا احنا اللى هنخلى الخليج ينهض يا #مرسى شكلك بترسم على سلفه

حد عنده خطاب أحمد عز فى مجلس الشعب ٢٠١٠ اللي قال فيه إن الحياة حلوة والزبالة دليل رفاهية؟

النور قطع من أول خطاب مرسي لحد آخره بالزبط وبعدين رجع.. شكرا يا ريس على اللفتة الانسانية دي

نظام لو سمحتم … اللي اخوان يحلل خطاب مرسي واللي مش اخوان يحلل السكر

مدام مافيش مظاهرة مؤيدة نزلت قبل ما يبتدي خطاب مرسي يبقى مافيش قرارات في الخطاب دا

عاجل وهام ترشيح الرئيس مرسى لجائزة نوبل لاكتشافه علم #الاستزراع _الزراعى

كل مرة #مرسى يخطب بعد ما يخلص اقلب ع القناة الاولى هتلاقى اغنية خلى عيونكم عليها

#مرسى اهلى وعشيرتى احبابى الكابتن اللى بيضرب سندوتش كبده على الاريكه انا بحبك واحضنوا بعض

سوريا جناح الشرق الذي سنطير به … انا دلوقتي فهمت حوار طائر النهضة # مرسى

ويك أنى أرى مبارك يخطب من جديد

مصر لن تفلس جبنه نستـــو يـا مفلسيين