ومعانا عبيط كمان ونقول ألو

يكتب:محمد حنفي 

ـ ألووو ….. ممكن حضرتك أشترك في الحوار الوطني السري ؟

ـ إتفضل حضرتك ……. إنت علي الهوا

ـ والله حضرتك أنا شايف ان الموضوع ده يتحل بمنتهي السهوله … احنا ٩٠ مليون. مش شويه يعني

احنا نطلّع ٥٠ مليون علي اثيوبكا دي واللا اسمها ايه و نشغل كل نفر في مهمه سريه ١٢ ساعه يوماتي

كل واحد معاه شفاطه.. يشفط بق ميه كل ساعه من النيل الازرق بكده نشفط لنا ٦٠٠ مليون بق في اليوم

ويندار علي السد يعمل لهم فيه تواليت .. بيبي يعني …. يشفط ويتاوليت .. وشوفي بقي حضرتك ..

٦٠٠ مليون تواليت في اليوم يعملوا ايه ؟ . قوم بقي النيل ينشف و السد يصنن والاملاح تاكل جتته

وينهد علي اصحابه

ـ طب حضرتك شايف اننا نمشيها بيبي والا ندخل بالتقيله عشان نحسم ؟

ـ احنا نبتدي بالبيبي عشان حسن النوايا لكن لو فكروا في سد تاني يبقي نشحن العيال اللي عندها اسهال

ونشغل الملينات ونطربقها بجد

ـ احنا بنشكرك والقياده سمعاك وبتشكرك وتأكد إن اقتراحك محل دراسه ..

ومعانا حمار كمان ونقول ألو .

ـ ألووو …. انا احب اسجل اعتراضي علي اقتراح السيد المحترم أيمن نور اللي قال اننا نعمل نفسنا كده وكده ح نشتري صواريخ ونعمل نفسنا كده وكده ح نشتري طيارت قوم هما بقي يخافوا

ده كلام فاضي لا يودي ولا يجيب ـ أومال إقتراح حضرتك ايه ؟ ـ احنا عشان نحبكها والكل عارف إن ريسنا كان بيشتغل في ناسا والفضاء وإيده طايله …. احنا نقول إن الريس عمل اجتماع مع الكائنات الفضائيه اللي بينها وبينه عيش وملح وجت تاخد بخاطره .. ولجل دقنه ح تقوم بضربه منكوكب زحل منشنه في عين السد .. قوم هما يسخسوا م الخضه ويجوا للريس يبوسوا دقنه ويقولوا له سامحنا يا حاج ..قوم هوا يعشيهم ويحلي بقهم ويبقي الكل مرضي .

……………………………..

صدقني لا علاقه من قريب او بعيد للحشيش المغربي فيما قرأته الان … ولكنه التطور الطبيعي للحوار السري الذي يناقش أخطر مشكلات الوطن … الذي ينظر وبمنتهي الهبل.. عطش الوطن … الحوار الذي دعا اليه السيد المفخم المعظم رئيس الدولهبعد أن سربت الصحف الاثيوبيه انه حصل علي مليار دولار مقابل عدم اتخاذ اجراء تجاه بناء السد ..

ولم يرد سيادته ……. السيد المفخم الذي جلس بلا حياء علي مقعد رئاسه مصر التي أسست منظمه الوحده الافريقيه وحين حانت الصوره التذكاريه أمروه أن يقف في كواليس رؤساء دول كان أقصي أحلامهم مصافحه رئيس مصر وحين افاض في كلمته اخرسوه بينما ابتسامه بلهاء علي شفتيه لا تنتقص من قدر هذا البلد بل تحض مواطنيها علي تصحيح اوضاعها واسترداد كرامتها التي سفحت ماء وجهها جماعه قادمه لبيع مصر .. قاتمهٌ هي الصوره ولكني اقول لكم إملئوا روحكم بالامل ….

فمازال لكم جيش … ومازالت لكم نسور تحلق في السماء تستهدف رأس الافعي …. سيحاولون أن يوهموكم انهم قادرون علي حرق البلاد ….. علي جرنا الي حرب أهليه .. فذكروهم وذكروا أنفسكم بعلقه المقطم وعلقه موقعه القضاء.. هؤلاء المرتعدون لا يملكون حرق البلد .. بل حرقهم .. اقول لهم … ابحثوا لأنفسكم من الان عن جحور تختبئون بها …… ابحث ايها الشاطر عن طائره قبل ٣٠ يونيه فنحن نعلم انكم ضحيتم بمندوبكم في الرئاسه وانه كبش فداء ككثير من الكباش التي تنحر وسوف تُنحر … مليشياتكم المزعومه التافهه لن تصمد لحظات امام اراده شعب وقوه متقاعدي الجيش ودعم مخلصي الوطن في كل الجهات الحساسه …فالخروج لإنقاذ وطن يسمونه مصر … التاريخ والاهرامات والنيل والذكريات ….. ومن سيقف ضدك عدوك .. عدو بلدك .. عدو وطنك ….. تمرد .. واجه ….. الوطن فريضه ..ولما يبقي معانا عبيط كمان ويقول ألو .. متسمحلوش يقول ح يحرقوا البلد …. بل رد عليه .. ح نحرقكم .. احنا الشعب

الدستور الاصلى