امسك متحرش

عايزة أحكى موقف حصل معايا إمبارح بليل بالتحديد كنت ماشية مع أخويا فى شارع الروضة الرئيسى طبعا مكنش حد بيضيايقنى كالعادة لأن ماشية مع ولد!!! بس كنت ملاحظة قدامى ولدين ماشيين ورا بنت بيضيايقوها و بيتحرشوا بيها فضلت البنت تسرع وهما وراها و طلعت فوق الرصيف و برضوا طلعوا وراها طبعا قولت لأخويا يلحق البنت لأنى حاسه بشعورها و قد ايه هيا متلخبطة و رجليها بتتشنكل مش عارفه تعمل ايه و الولد لزئق فيها حاسها مش عارفه تتنفس………. المهم أخويا راح شد الولد من ضهره بعدوا عنها و قالوا بالنص ( إحترم نفسك و سيب البنت فى حالها) و البنت جريت بسرعة و أختفت الولد اتصدم و افتكر ان البنت مع أخويا أو يعرفها فتسمر مكانه و بعدين لقى البنت مشيت ففهم اها مش معاه كنا بعدنا عنه يجى 100 متر كده جى جرى ورانا هو و صاحبه يتخانقوا مع أخويا و يشتموا و عايزين يضربوا فلحظنا ان واحد منهم لابس اليونيفرم بتاع دليفرى صيدلية سيف اللى كانوا بيتحرشوا بالنت قدامها فسبنهم و رجعنا للصيدلية نشتكى ان عامل عندها بيتعدى علينا و عايز يضربنا ( فدخل معانا و اتعدى على أخويا تانى جوا الصيدلية!!!!!!!!!!!!!!!) و الصيدلية طردتنا بره النتاس اتدخلت و بيغلطوا أخويا !!!!!! انت مالك هوا كلم البنت اللى معاك؟؟؟؟ دخلت الصيدلية تانى اقولهم عايزة اكلم الادارة مهتموش و لا اعتذروا و قالوا ده عامل دليفيرى بره …هو مش عامل الدليفيرى ده أكتر شخص مفروض يكون محترم لأنو بيوصل لبيت كل واحد فينا يعنى بيدخل لبيوتنا و الأهم الصيدلية تسيب عامل مش محترم أخلاقيا لأنهم معتبرين التحرش مش زى السرقة ده حاجه تستحق تدخل الإدارة لكن التحرش ميستحقش
المهم اتنرفزنا جدا من موقف الصيدلية و روحنا عملنا محضر تعدى و تحرش فى قسم مصر القديمة باسم عامل صيدلية سيف اللى مرضيوش يعرفونا اسمه و بمحل الواقعة للأسف البنت موقفتش علشان تشهد معانا بس احنا هنصعد الموضوع ضد الصيدلية و هنبعت صورة المحضر للادارة علشان يعرفوا ان التحرش لازملوا عقاب زى السرقة بالظبط

السجل الشعبي للمتحرشين بالفيس بوك