شركة ابليس

المخربون
اخوان
وشركا
في شركة ابليس الجبان
السهم فيها بجريمة
وهم حالفين
ما يسيبوا حاجة من الغنيمة
حالفين ليكونوا أبالسة
ولاد شياطين
بياكلوا البشر
ويستعذبوا الخطيئة
ويستجموا فى الوحل
وفى الطين
شغلهم الظلام
وهدم كل جميل
ولا كتاب ولا كراس
ولما يعوي كبيرهم
يتجموا الملاعين
عشان رصيدهم يكبر
على تل حطام
وشراذم ضحايا
وقتلة ومأجورين
لأن الشر اسهل
والشر بيشهر
لكن الطيبة.. للطيبين
وحسابهم فى الأخرة
بعيد
بعيد
بعيد …
يعني كده .. يوم الدين
انما الأبالسة فى الأرض
على طول
فى سعادة
على طول .. معيدين
ومع كل الخساير
وكل الضحايا فى شركة ابليس
تلاقي الاخوان
برده مصممين
هم يضحك وهم يبكي
يا خسارة الحياة
ويا بخت ابليس
بحبايبه المساهمين

الجمهوريه