سأنشر بعد قليل ألبوم صوري الكامل مع الشيخ مظهر شاهين بفستاني الأحمر (الساخن) الذي أثار التافهين والرعاع والسوقة والحوشيين، لكنه رسم بسمة إشفاق على كل من سبق، على وجوه المثقفين الأذكياء المحترمين المتحضرين الكبار.
الصور كانت في حفل إطلاق العدد الأول من مجلة لؤلؤة. وكان الحضور حوالي ٤٠٠ شخص نصفهم شخصيات عامة وكلهم أصدقائي جاءوا ليجاملوني لأنني الدعام الروحي للمجلة. شخصيات لها ثقلها في الواقع المصري في المجال الفكري والفني والأدبي والإعلامي. لكن التافهين سابوا كل دول ومسكوا في الشيخ مظهر فقط من أجل ضرب الأزهر طبعا، ظنا منهم أن الشيخ مظهر أو أنا سوف ننزعج. لكننا أيضا ابتسمنا في استخفاف.
الظريف بقا أن بعض الصحف التافهة تكتب لك ايه في الخبر (صورة التقطت عنوة) رغم أن الشيخ مظهر وأنا كلانا ينظر إلى الكاميرا ويبتسم :))
وجريدة تانية تقولك (صورة نادرة لفاطمة ناعوت ومظهر شاهين) رغم أن هناك أكثر من عشرين صورة لنا معا وكلها فيها باصين للكاميرا وقاعدين وسط ٤٠٠ شخص. غير مواقع تانية بقا جوزتنا وطلقتنا وكله بيعدي مع الناس الهايفة.
نيجي بقا للفستان الساخن.
الفستان اللي بيقولوا عليه ساخن ده كانت أمهاتنا وجداتنا زمان بيلبسوه وهما رايحين يجيبوا الخضار الصبح. ماتينيه عادي جدا وبسيط جدا. يعني لا يصلح خروجة لسهرة أو حتى خروجة بعد الظهر. بس احنا اللي بقينا في واقع مسخ وعهد متخلف وفي زمن مهبب، والأهم ان الهيافة بقت بالطن وبالهبل.

استمتعوا بالصور (النادرة) ENJOY

فاطمة ناعوت

https://www.facebook.com/naoot/posts/400894620008145