شهادة أحد اللذين نزلوا رابعة 3 أيام متتالية
طيب مبدأياً كده انا بقالي 3 ايام بنزل ميدان رابعة العدوية علشان حاجتين .
1- لو حصل ضرب او فض الاعتصام اساعد فى خروج الناس علشان دي منطقتي وحافظها شبر شبر
2- اساعد فى كسر التعتيم الاعلامي المفروض عليهم هناك بأوامر من الرئيس الحالي “عبد الفتاح السيسي”
——————————————————————————————
1- اعداد الاخوان فى رابعة لاتزيد فى اي حال من الاحوال عن نص مليون متظاهر فى اقصي تقدير “ده بيتضمن أمس فى عز الذروة ” عكس ما قيل عن المنصة انهم 4 مليون || ميدان رابعة لا يستوعب مليون فرد اصلا “المساحة المستخدمة من عند محل الحلويات فى شارع النصر التابع للجيش الي طيبة مول ومن بنزينة موبيل فى شارع الطيران الى الشارع اللي فيه محل كلابيظو”
2- كمية العنف والتحريض من المنصة ومن يطلع عليها لا يحتمل “محمد عبد المقصود – عاصم عبد الماجد – البلتاجي – صفوت حجازي – محمد العمدة – خميس ………. ”
3- بيتم غسيل دماغ للناس ان انها حرب ضد الأسلام … وما يتبعه من هتاف اسلامية اسلامية رغم انف العلمانية || وهو كذب صريح على الناس هناك انما هو خلاف سياسي بين ابناء ماما امريكا على مين يركب العجلة دلوقتي
3- كل السلاح “اللي شوفته” هو شوم وعصي حديدية مع قوى تأمين الاعتصام || مع التأكيد ان الباعة الجائلين هناك معاهم سكاكين وسفوريات
4- امبارح الاخوان مكنش معاهم سلاح وهما رايحين عند دار الحرس الجمهوري || واتضرب عليهم رصاص حي وخرطوش وقنابل مسيلة وشوفت فوارغهم بنفسي وشوفت بعض من الاصابات للناس
5- كل الاعلام اللي كان موجود هو اعلام اجنبي وكان موجود مراسلين وكانوا عمالين يكتبوا على النت من هناك
6- كمية من الكذب عمّالة تثار من خلال المنصة لرفع الروح المعنوية وخين تحدثت مع احد اصدقائي فقال لي الكذب مطلوب أحياناً || بعض اصدقائي من الاخوان قرفان من المنصة ونفسه انهم يبطلوا الكلام اللي بيقولوه عليها
7- في كم كبير من الموجودين جايين من المحافظات
8- دخول الاعتصام مؤمن بشكل جيد والشباب اللي ماسكين التفتيش بيعتذرولك بعد التفتيش
9- الاخوان بقالهم 8 ايام او أكثر بيتم شحنهم بدون تفريغ ذلك الشحن
10- كم المكالمات اللي كنت بسمعهم انهم بيكلموا ذويهم ويقولوا لهم لا تصدقوا الاعلام انه كاذب احنا بقينا 30 مليون بنؤيد الرئيس ولواءات من الجيش انفصلوا وبيؤيدوا مرسي والكلام الكاذب ده كله كتييير جداً
11- التعامل داخل الاعتصام مع الناس اللي مش من الاخوان محترم جداً ||بيبقوا عارفين انت بتنتمي ولاّ لأ
12- كلام الناس هناك بينها وبين بعضها اننا لو روحنا بيوتنا هيقتلونا كلنا …. مينفعش نمشي من هنا طالما كده كده هنتقتل
13- الشباب الصغير مشحون بطريقة رهيبة من اللي حاصل وللأسف بيصدقوا مسئوليهم بطريقة غريبة || كل لما اهلهم يكلموهم ارجعوا بتكون الاجابات لا مش هنرجع احنا هنموت هنا
14- بيباع فى وسط الاعتصام العصي السودة “sticks بتاعت الخناقات”
15- امبارح منصة شارع صلاح سالم اذاعوا خبر ان لواءات الحرس الجمهوري انشقوا على الجيش وهيرجعوا مرسي || حصل ارتباك شديد بين المجندين الصغار في الداخلية مما أدي الي تغيرهم بسرعة بينما ظباط ومجندي الحرس الجمهوري ذاتهم قعدوا يضحكوا.
اتمنى من شباب الاخوان عزل قادتهم من في الصفوف الأمامية وبناء مرة اخرى للجماعة من الداخل ومشاركتهم لانهم بيمثلوا قطاع كبير جداً وعندهم جهد لو سخّر لخدمة البلد هيفد جداً
اخر حاجة هقولها الا لعنة الله على كل من استخدم الشباب لغرض في نفسه.
Ahmad Almougy
