الشرطة اعتقلت شقيقي «الطالب»

سامح: العمال قالوا في التحقيقات أنه لا علاقة لهم به ولا يعرفونه والنيابة جددت حبسه مرتين

كتبت – منه مجدي :

قال الزميل سامح إسماعيل، إن الشرطة ألقت القبض على شقيقه “أحمد” بالخطأ خلال فضها لتظاهرات عمال شركة الكهرباء بمدينة نصر، خلال توجهه لشراء متطلبات يحتاجها مكتب “الديكور ” الذى يعمل به، مُشيرا أن قائد قوة الشرطة رفض إطلاق سراحه رغم تأكيد العمال أنه لا صلة له بالأحداث.
وأوضح “سامح” ـ الذى نشر صورة لأخيه بحسابه على “فيس بوك” ـ قائلا ” أحمد أخويا كان ماشى فى الشارع نازل يجيب طلبات لشغله هو شغال فى مكتب سقف معلق ( ديكور )، مكان شغل أحمد فى مدينة نصر وبالصدفه كان معدى من امام الشارع لان ده مكان شغله حصل صدام بين عمال شركة الكهرباء اللى كانوا عاملين اعتصام أمام الشركة، الأمن ضرب غاز على العمال، أحمد شاف الغاز جرى لأنه مش عامل أصلا فى الشركة ومالوش فى المظاهرات ومالوش مصلحة يكون موجود أصلاً “.
وأضاف: ” الظابط دخل ورا شارع جانبى وأخده . أحمد قال للظباط أنا مش معاهم . أنا أصلا مش عامل فى الشركة .. الظابط برده أخده وشاف بطاقته لقى مكتوب فيها طالب .. حبسه مع العمال وده كان يوم الاتنين فى قسم أول مدينة نصر “.
وتابع: ” يوم التلات اتعرض على النيابة وكان معاه محامى . ووكيل النيابة سأله: إيه اللى وداك هناك، قاله مكان شغللى وأنا أصلا مش شغال فى الشركة والمهندسين والعمال شهدوا بكده أمام وكيل النيابة.. المحامى قال لوكيل النيابة حضرتك ممكن تسمع شهادة المهندس بتاع أحمد قاله أنا أسكتفيت بكلام أحمد .. وفى آخر اليوم طلع قرار بحبسهم أربع أيام على ذمة التحقيق”.
وأشار إلى أن شقيقه عرض مع العمال على قاضى التجديد مرة أخري يوم الخميس، ووقتها جدد محاميه تأكيد أن “أحمد” ليس له صلة بالاحتجاجات ” وده بشهادة العمال والمهندسين فى الشركة وأحمد أخد مع العمال 15 يوم على ذمة التحقيق وتم ترحيله إلى سجن طرة “.
واختتم “سامح” تدوينته على قائلا “سوف يتم تقديم تظلم يوم الأحد ويتم تحديد جلسة يوم التلات فى العباسية إن شاء الله.. عايزين ننشر الموضوع ونعمل ضغط اعلامى لأنهم بيقولوا القرار ده سياسى والوزير بيعاند مع عمال الشركة .. بجانب إن أحمد أصلا مالوش علاقة بالموضوع لأنه مش عامل معاهم فى الشركة “.