المغير يعتذر عن تأييده لمرسي

اعتذر الناشط الإخواني أحمد المغير، الملقب بـ«رجل الشاطر» عن تأييده لشرعية المؤسسات والنظام السابق.

وكتب «المغير» على «تويتر»: «أنا بعتذر عن كل لحظة أيدت فيها شرعية المؤسسات على شرعية الشارع، أيوه بعتذر عن كل لحظة موقفتش فيها جنب اللي بيموت في الشارع وأعدت أنظر وأبرر».

وتابع: «أيوه بعتذر عن كل لحظة سبت فيها الميادين واستبدلتها بطابور انتخابات قبل ما البلد تتطهر وتنضف صح، أيوه بعتذر عن يوم وثقت فيه في ناس ميستحقوش ثقتي ودافعت عن ناس ميستحقوش الدفاع عنهم هما النهاردة بيبرروا قتلي، أيوة بعتذر لثورة خذلتها مرة وبعدت عنها مرة وتصورت واهما إنها انتصرت رغم إن السكينة كانت على رقبتها».

واستطرد: «بعتذر عن أخطاء حصلت ومش هتتكرر بإذن الله وأنا من النهاردة ثائر مصري.. ثائر مصري وبس مش فارق معايا مرسي يرجع ولا الإخوان تحكم وإنما يفرق معايا بس ثورة اتخطفت روحي ودمي فداء إنها ترجع تاني».

البديل