انت فاكرنا هنزعل .. دا إحنا هنعمل فرح !

نت فاكرنا هنزعل .. دا إحنا هنعمل فرح !
الانتخابات فى أعياد الاقباط !

بعد ان اثبت مرسي انه لا يعيش فى مصر وبعد ان برهن مكتب الإرشاد ان يحكم بلد غير مصر .. أصبح كل شئ جايز !
فقد تحددت المرحلة الاولى لانتخابات مجلس النواب فى يوم احد السعف والإعادة فى سبت النور وعيد القيامة ..
قال الأخوة المبرارتية : أكيد صدفة وغير مقصودة ! وربما هو لا يعرفون أعياد الاقباط ..
دا طبعا عذر اقبح من ذنب ! وطبعا لا تستبعد سوء النية وربما خرج المتحدث بأسم مرسي أو الاخ العريان وقال عفوا لا نقصد ..
عموما إحنا مش هنزعل لأننا اتعودنا على كدة وان طلع العيب من أهله ما يبقاش عيب
إحنا مش هنزعل وسنعمل فرح
وهتلاقى الاقباط طالعين من الكنائس كل واحد شايل الزعف بتاعه وواقف فى طابور الانتخابات .. لن نقاطع رغم ان الأمر ملعوب فيه .. لكن لن نقاطع
هتكون مليونية الزعف والشعب المصرى الحر هيحتفل معانا والعالم كله هيتفرج على الاقباط فى يوم عيدهم فى طوابير الانتخابات
ويوم الإعادة اللى هو يوم عيد القيامة هنلبس جديد ونروح ننتخب ونضرب بومب وصواريخ .. عيد بقا
فعلا هم يضحك وهم يبكى

ياسر يوسف