النشره المروري……

 
مساء الورد عليكم يا أهل العاصمة
معادكم مع نشرة ( 4 ) عصراً.. اللي من خلالها هتعرفوا الطرق الزحمة فين و تتقادوها ريزو بيقولك:

نبدأ بـ كوبرى 6 أكتوبر:
إتجاه مدينة نصر من المهندسين رايق
إتجاه المهندسين من مدينة نصـر للتحرير جميل ومن التحرير للمهندسين زحمة

و شارع رمسيس من وسط البلد للعباسية صعب و العكس من العباسية لوسط البلد ماشي تمام
نفق الأزهر من وسط البلد لصلاح سالم لذيذ و من صلاح سالم لوسط البلد زحمة

نطلع على الأوتوستراد :
من حلوان للمعادي ماشي معقول و بعدين لذيذ للقلعة
و من القلعة للمعادي جميل بعدين زحمة لحلوان

كورنيش النيل من وسط البلد للدائري و من المعادي لوسط البلد زحمة غير كده الكورنيش لذيذ

نعدي على صلاح سالم:
زحمة في الاتجاهين للمطار و لكوبري أكتوبر

نروح على الدائري:
الدائري لطيف في الاتجاهين

نختم بالمحور:
إتجاه وسط البلد من الشيخ زايد للدائري حلاوة و من الدائري لكوبري 15 مايو شغال
اتجاه الشيخ زايد من كوبري 15 مايو للدائري زحمة و من الدائري للشيخ زايد لذيذ

نروح عند كوبري 15 مايو زحمة في الاتجاهين

سوقوا على مهلكم و توصلوا بالسلامة.

 

أخبارك.نت