خطيبتي مابتسمعش كلامي ومش عاوزة تتغير

أنا الولد الوحيد ووالدي متوفى، كنت باحب فتاة من 4 سنين، وتقدمت لخطبتها لكن أمي وأخواتي البنات اعترضوا عليها دون إبداء أسباب.

المهم بعد ضغط مني أمي وافقت، وذهبنا لإتمام الخطوبة بس أخواتي اعترضوا، ولم يذهبوا معنا اتفقنا على ميعاد الخطوبة بعد شهر، لكن البنت وأهلها حسوا إن فيه رفض من ناحية أهلي لكن وافقوا بعد ما قلت لهم إن ده وهم، وإن أختي الكبيرة الحمل تاعبها وأختي الصغيرة عندها، وده سبب إنهم ماجوش معانا.

خلال هذا الشهر اكتشفت إن أنا وهي مختلفين في حاجات كتير، وحدثت مشاكل بيننا نتيجة اعتراضي على طريقة لبسها وعلى طموحها المخالف للواقع، وطلبت منها حبة تعديلات في اللبس والتفكير قالت لي مش هاقدر أتغير إنت حبتني كده، اتغير إنت، ونهينا الموضوع أنا وهي وانتهت القصة ولم يحدث أي حوار بيني وبينها.

من يومها ولم يحدث ارتباط لحد يوم 2 من الشهر، بعتت ليّ رسايل تقول سامحني وفيه صديق مقرب لينا فاتحني في موضوع ارتباطنا تاني، المشكلة إنها ماتغيرتش وأهلي ازدادوا رفضا ليها، بس أنا لسه بحبها؛ هل أفاتح أهلي في موضوع ارتباطنا ولا ارتباطي بواحدة تانية هاينسيهاني.

بص وطل