حازمون بتنفي موضوع جواز ابو اسماعيل قاموا ثبتوها عليه , بيقولوا فيه اختلاف في الاسم و مش واخدين بالهم انه الرقم القومي واحد في عقد الزواج و بطاقته.

الجواز مش حرام لكن الحرام انه فرد يتجوز بنص مليون جينه لمدة 3 أيام و يدفع لها مؤخر 100 الف دولار يعني 3 ايام بحوالي مليون و 250 الف جنيه يا بلاش يا ابو اسماعيل.
مليون و 250 الف جنيه نحاول نحسبها كده كان يجوزوا كم شاب من شباب و بنات المناطق الفقيرة الواحد فيهم بيتجوز ب 2000 و 3000 جنيه!!!

المضحك كمان انه عقد الجواز بتاريخ 21 ديسمبر و هو نفس اليوم البعت فيه اتباعه لاسكندرية بحجة الدفاع عن المحلاوي و اطحنوا ضرب و هو مارحش عشان نسي الشاحن, الف سلامة على الشاحن و مبروك الجواز و الطلاق في 3 ايام, بس انت الشحن بتاعك بيخلص في 3 ايام بس. يعني بتشحن بمليون و 250 الف جنيه و يكفوك 3 ايام بس, يا ترى شبكتك ايه !!!!

صفحة باسم كامل