أنا حر…..
هوه صحيح أنا حر؟ أيوه أنا حر … لا مش حر … حاجة تلخبط أصل الحريه فبلادنا ملهاش عنوان ولا شكل محدد .. أصل الحرية ده شعور فقلوب الناس ملهوش مقياس .. أصل الحرية أفكار فالراس مالهاش سابقه فبلادنا عشان تتقاس…
أنا حر أجوع مش حر أقول إني جعان .. أنا حر أحس ببرد مش حر أقول سقعان.
أنا حر إنى أتضايق أتسر أتنفس أتنرفز طول ما أنا مش واخد حيز طول مالإحساس فـِـالسِر أنا حر.. الحريه فبلادنا حاجة عظيمة عاملة كده زى السيما كله بيمثل على كله، وبرغم إننا عارفون أنه تمثيل بنصدق ونطنش .. من واحنا صغار الكدبة بتكبر ويانا وتعشش ..أفكارنا جوانا بتتشوش.. لا نعرف إية راح ينفع أو إية هيضر فين الخير أو فين الشر والعمر يمر حلو ومر وفلحظة صدق أو وأنت محشش تسأل نفسك وتوشوش …. هوة صحيح أنا حر؟.!
اليوم السابع
