الـ Game

الجنب ده عايش بالعافية والجنب ده عايش ع الآخِر   وقانون الجيم هو العافية يعني يا تتعافى يا تِتَاخِر   بتجيلك كافية ورا الكافية ومفيش من كافيتهم ساتِر   البلد اتباعت قطاعي ونصيبك مسروق من باكِر   وتدوخ من دقن لدبورة فتعيشها يا خاين او كافِر   وابو كرش هناك وسط الصورة بيوزع ملاليم وتذاكِر   يعني يا تاخد إما تصهين ما هو مش شحات وهتتآمِر   وان يوم تتلاعب بديولك وعليه تتآنعر وتِفاخِر   بيسيب الجيم يا خد دوره بعدين الأوفر يتواتِر*   يا تكون قد اللعبة اكمنك الكل عليك وهيتكاتِر   وترستر من فورة لفورة يختلط الأول بالآخِر   فورة بتخسرها قدامهم كسبان والمبدأ مِتغاير   يا تريح ع الكنبة وغيرك ييجي ياخد دوره ويتعافِر   بس متنساش ، غلطة غيرك فمتغلطهاش ، والدور داير   الرك اكيد وقت الخطوة العند بلاش والجيم فايّر** _ * يتواتِر : ييجي ورا بعضه ** فايّر نفس نطق ثاير

أخبار الموجز