المخترع الصغير” يكشف أبعاد “القبضة الإلكترونية

 

 

 

كشف عبد الله عاصم الملقب بـ”المخترع الصغير”، عن أبعاد التقنية التي من المرتقب أن تتبعها الداخلية مع وسائل التواصل الاجتماعي، مقدما حلولا تضمن الأمان لأصحاب الحسابات من الرصد والرقابة، على حد ذكره.

 

كتب عاصم، في تدوينات له على صفحته بموقع التواصل الاجتماعي “فيس بوك”: “في كلام كتير خرج إن الحكومة المصرية بتراقب الحسابات بس يا ترى الكلام ده صح أو هما يقدرو يعملوا كده فعلا.. في خاصية جديدة اتفعّلت في الفترة إلى فاتت على فيس بوك وتويتر بتخليك تحمل الأرشيف بتاعك من عليهم، الأرشيف ده بيكون متضمن ملفك الكامل على المواقف البوست والرسايل والصور”.

 

وأضاف عاصم : “لو معندكش فكرة عن الموضوع ممكن تدخل على Settings – > General -> Download a copy of your Facebook data”.

 

وقال: إن “قانون CISPA بيجبر الشركات إنها تسلم معلومات المستخدمين للحكومات يعني الحكومة بتقدم طلب لإدارة الموقع بتسليم بيانات الشخص فالإدارة تقوم بتسليم الحكومة الأرشيف الخاص بالشخص والكلام ده بياخد وقت مش في لحظتها”.

 

وتابع: “يعني الحكومة ملهاش اي صلاحيات تراقب أنت بتكتب أي دلوقت أو تعرف أنت بتكلم مين أو بتعمل أيه! هما بياخدو الأرشيف بتاعك ويقعدوا يدوروا فيه وطبعا إدارة الموقع مش فاضية تبعت الأرشيف بتاع الشخص كل شوية يعني مرة بالكتير”.

 

وأكمل عاصم: “بعد ما عرفنا إن الحكومة ملهاش صلاحيات إنها تتابع الحسابات الخاصة بالمستخدمين بشكل فوري أو مستمر نيجي نسأل سؤال مهم الحكومة بتراقب الناس إزاي.. أي شخصية بتأثر على الرأي العام وليها آلاف المتابعين أكيد الحكومة بتتابع كل كلمة بتقولها وده لا يخضع تحت مسمى التجسس دي متابعة زي أي متابع ولما الشخصية العامة دي تكتب كلام معارض للنظام ساعتها توجهله مسألة قانونية.

 

وقال: “يعني حضرتك لو عايز تكون بأمان ومن غير أي مشاكل اعمل الخطوات دي” كالآتي..

1- قائمة الأصدقاء عندك تكون من المعارف الشخصية اللي قابلتها بنفسك

2- حضرتك ما تفتحتش المتابعين أو الفولورز وتخلي البوست للأصدقاء فقط

3- ماتتكلمش عن كل حاجة بتحصل في اليوم بتاعك

4- ماتطلعش أي بيانات شخصية عنك في الرسايل أو في البوست

وبكده مفيش أي حد هيقدر يتابع، أنت بتعمل أيه على “فيس بوك أو نشاطك أو توجهاتك غير قائمة الأصدقاء وبس”.

 

 

 

الوطن