كارثة بمدرسة بـ٦ أكتوبر..

 مدرسة الفتح للتعليم الأساسي بالحي السادس ٦أكتوبر في إسكان الشباب ٦٣، المدرسة بها تعليم ابتدائي مشترك وإعدادي بنات، وتجارية بنات.

– المدرسة بجوارها مدرسة بنين، سور المدرسة واطي وبيتم اقتحام المدرسة يوميا من بلطجية من فوق السور، وامبارح اقتحموها بأسلحة بيضا وتحرشوا بالبنات.

– ودخلوا ورا البنات دورات المياة، وتم تخليص البنات بأعجوبة بعد مساعدة الأهالي!! مديرة المدرسة عملت السنة اللي فاتت سور شائك وقصوه البلطجية.

– رحت النهارده لإمام مسجد الرحمن بجوار المدرسة كان بيتكلم عن المشكلة وبيدعو الناس اللي يعرف أي حد في إدارة الأبنية التعليمية يطلب تعلية السور.

المديرة كل لما تكلم الإدارة التعليمية كالعادة يقولولها تلقينا شكوتك وهندرسها… كالعادة الحكومة مش هتتحرك غير لما يحصل حادثة اغتصاب أو قتل.

لو سمحتم وصلوا الكلام ده للصحفيين ومعدين البرامج عشان يتكلموا في الموضوع ويلحقوا البنات قبل ما تحصل مصيبة.. افتكروا الاسم كويس مدرسة الفتح.

الموجز