بالفيديو.. أديب: «كفاية عبودية لمبارك..

تداول نشطاء على موقع التواصل الإجتماعي، الفيس بوك، فيديو يشن فيه الإعلامي عمرو أديب، هجومًا على الرئيس الأسبق حسني مبارك، قائلًا: «حُرمة عليه عيشته، كفاية زبالة لمدة 30 سنه، وقاعدين تطبلوله، 30 سنة بهدل البلد وجابها على الأرض، يولع مبارك، أمال اللي إحنا فيه ده بسبب إيه؟ والفلوس اللي ضاعت؟».

وأضاف «أديب»، في الفيديو المقتطع من برنامجه «القاهرة اليوم»، المذاع على قناة «اليوم»، قائلًا: «ويقولك أصل مكنش هيورث إبنه، نعم! كلنا كنا عارفين إنه هيجيب إبنه، البلد كانت بتدار بعصابة مبارك، والنهاردة جاي حد يتكلم، خلاص كفاية عبودية، كفاية تأليه، ويقولك حديث مع مبارك، إزاي واحد مسجون يتكلم مع الإعلام؟ إبنه ده كان حاطط جزمته علينا كلنا».

وتابع: «الواحد ساكت ومش عايز يتكلم، إنما اللي إحنا فيه ده من مبارك، وعيلة مبارك، وسنين مبارك، وهي الثورة قامت ليه في 25 يناير؟ مش علشان مبارك وننوس عين أمه اللي كان عايز يركب علينا؟ إنتوا نسيتوا ولا إيه؟ أيوه أنا بكره مبارك، مبارك ده ميت من زمان، عمره لا كان بيدير ولا أي حاجة، حرام عليكوا كفاية بقى».

التحرير