«ناس في بلدنا ملكيون أكتر من الملك»

قال الإعلامي تامر أمين، تعليقا على قرار الرئيس عبدالفتاح السيسي بعودة المذيعة الشابة عايدة سعودي بعد إيقافها لفترة، لانتقادها للحكم ببراءة الرئيس الأسبق محمد حسني مبارك، «الرئيس السيسي حسنا فعلا، دي رسالة لكل واحد بيطبّل للسيسي، وحب يعمل واجب معاه، إنه يبطل يعمل كده، ويخليه في شغله».

وأضاف في برنامجه «من الآخر» مساء الأربعاء، «للأسف في ناس في بلدنا ملكيين أكتر من الملك، يعني قرار فصل عايدة سعودي أكيد جاي من واحد عاوز يخدم، قال لما أوري النظام إن أنا معاه، لكن أنا بقول لكل إعلامي بيحب السيسي متعملش زي الدبّة اللي قتلت صاحبها، بطلوا تخدموه، انتوا كده بتشوّهوا صورته، وأعتقد إن قرار السيسي برجوع عايدة لشغلها رسالة بتقولكوا أنا مش عاوزكوا تخدموني».

المصرى اليوم