العمال فى وقفة بـ”الأفارول الأزرق”

بعيداً عن المشاهد التقليدية المعتادة فى كل عام، تصفيق حاد يدوى فى أرجاء قاعة الرئيس، خطابات صماء تتناقلها الكاميرات والصحف، نداءات «المنحة يا ريس» التى تصاحبها ابتسامات وإشارات بالتأييد، قررت مجموعة من عمال مصنع الحديد والصلب بحلوان الاحتفال بعيد العمال هذا العام على طريقتهم الخاصة، فنظموا وقفة حب وتقدير للرئيس عبدالفتاح السيسى، تحت شعار «شكراً يا ريس». «بقالنا سنة ونص، أرباحنا السنوية متوقفة، والسنة دى على وش السيسى، أول مرة تتصرف فى ميعادها»، قالها عمرو محمد، أحد عمال الحديد والصلب، الذى قرر الوقوف مع زملائه داخل المصنع لتقديم رسالة شكر للرئيس على اهتمامه بالعمال ومجهوداته خلال الفترة الماضية على جميع المستويات، «بدل ما نطلب التكريم لينا زى كل سنة، قررنا نكرم السيسى، مش فى قاعة مؤتمرات ولا نادى كبير، لكن كرمناه من قلب المصنع بعد استجابته لطلبنا فى صرف الأرباح المتأخرة، وكمان مجهوده الكبير لخدمة كل المصريين»، «محمد» أشار إلى أن العمال أضربوا من قبل أكثر من مرة اعتراضاً على تأخير الأرباح أو الأجور: «عملنا أكتر من إضراب عشان مرتباتنا ما كانتش بتنزل فى وقتها، والأرباح ما كانتش بتتصرف، بقالنا 3 سنين على الحال ده لحد ما السيسى جه وحلها، وصرفوا لينا الأرباح أول السنة دى وبدأت العجلة تمشى».

بـ«الأفارول الأزرق» وقف إسماعيل حجازى، عامل بالمصنع، وسط زملائه ليشارك فى الوقفة الأولى من نوعها على المصنع، بحسب قوله: «إحنا بقالنا سنين متعذبين، وما صدقنا حد يسمع لينا وينفذ، فى وقت الأزمة كل واحد فينا كان بيشتغل شغله بضمير كأنه بياخد فلوسه بالظبط، لدرجة إننا لما كنا بنعمل إضراب أو وقفات بتبقى متقسمة بينا، يعنى 2 من كل قسم يقفوا فى الوقفة والباقى شغال عشان حال المصنع ما يقفش وبرضه نطلب حقنا».

الوطن