بالصور| “عبدالرحمن” أضافه مديره على “فيسبوك”.
تداول نشطاء مواقع التواصل الاجتماعي، قصة شاب تم طرده من عمله الجديد في أول أسبوع له، بعد أن قام بإضافة مديره على الفيس بوك، واكتشف المدير أنه معارض للنظام الحالي، ما تسبب في إنهاء التعاقد معه.
وسرد عبدالرحمن زيدان، على حسابه على موقع “فيسبوك”، قصته قائلا “مديري قالي أبقى اكتبلي ميلك في ورقة عشان أبقى اعملك أدد، فعملت كدة أول إمبارح، فالنهاردة روحت الشغل لاقيت وشه مقلوب وبتاع ومدتش اهتمام ودخلت على مكتبي، جالي المكتب وقالي إنت مش هينفع تكمل معانا، قولتله ليه؟ قالي بسبب إنك “ضد الدولة وريسها”.
“هنا مبيشتغلش غير اللي ملهومش في السياسة واللي ليهم بس مع استقرار البلد وبيحبوا بلدهم”، جملة أذهلت زيدان، جعلته يفكر في أن مديره قد يكون يمزح معه فقط، لكنه اكتشف أنها حقيقة عندما قال مديره “إحنا مش عايزين الشركة تقفل يا زيزو، أنا هكتفي بفصلك وقول الحمدلله إني معملتش حاجة غير الفصل، قولتله إيه هتسلمني بالمرة؟”.
وأضاف المدير لزيدان: “والله غيري فعلا كان عملها بس أنا عشان والله حبيتك هدعيلك بالهدايا”، ليرد عليه زيدان: “أنا مش هرغي معاك كتير بس عمري ماشوفت شغل فيه كدة، الظلم وحش واخرته وحشة وانت هتحس به قريب من الناس اللي بتقول إني ضدهم”، آخر ما قاله زيدان الشاب الذي أصبح حديث مواقع التواصل الاجتماعي.
الوطن
