«ربنا يستر وتعدي على خير»
دعا الإعلامي عمرو أديب، اليوم الأحد، الشعب المصري لعدم الخوف من الديمقراطية، مؤكدًا أن لكل مواطن حقه في التعبير عن رأيه أيًّا ما كان فكره.
أضاف أديب، خلال تقديمه برنامج «القاهرة اليوم»، عبر قناة «اليوم»، «محدش يخاف إنه يتكلم في الدين، أو في السياسة أو الجنس، كانوا دايمًا يقولولنا أوعوا تتكلموا في الدين أو السياسية أو الجنس، أمال هو باقي إيه في الحياة؟ ده حتى الكورة دلوقتي مبقناش نعرف نقربلها».
تابع: «ربنا يستر على الماتش بتاع بعد بكرة ويعدي على خير، ماحدش عارف اللي هيحصل فيه، يبدو إن الكورة دخلت في السياسة واتمنعنا من الكلام فيها، لا اتكلموا يا جماعة في كل حاجة، محدش يخاف، 25 يناير كسرت أسطورة الخوف».
يُشار إلى أن مباراة القمة بين الأهلي والزمالك، مقرر إقامتها يوم الثلاثاء المقبل، على ملعب استاد الجيش بـ«برج العرب»، ضمن مباريات الجولة السابعة عشرة للدوري المصري الممتاز.
التحرير
