طفلة تجلس على الأرض في المستشفى
وقال البوهي، عبر حسابه الشخصي على “فيس بوك”، وأرفق صورة الطفلة: “دي مستشفى الأقصر الدولي، وده الطوارئ، ومفيش إضراب ولا حاجة، ولو حصل إضراب الطوارئ دي هتفضل مفتوحة، ودي طفلة عندها حساسية على صدرها، وبتاخد جلسة تنفس وهي قاعدة على البلاط في عز البرد، عشان مفيش سرير لها”.
وأضاف: “أتحدى أي من صرخوا بحقوق المواطن اللي ممكن تضيع لو الدكاترة أضربوا ينشروا صورة الطفلة دي.. دي لو أبوها وزير كان حصلها كده؟ لو أبوها ضابط كبير كان حصلها كده؟ دي لو بنتك يا سيسي كان حصلها كدة؟”.
واستكمل: “اللي ولادهم بيتعالجوا على أفخم السراير في أغلى المستشفيات خايفين من صحوة الإضراب، ومن إضراب الأطباء، ومن رفض نقابة الأطباء لفساد الحكومة ولبلطجة الداخلية اللي بتخوف المواطن يرفض الغلط وعاملين حملة باسم نفس المواطن الغلبان ضد الأطباء، أنت فين يا حضرة الشريف اللي خايف على المواطن، من يتاجر باسم المواطن الغلبان حفاظا على مصالحهم من يقتلون هذا المواطن ليل نهار”.
