الأخبار

12 وصفة طبيعية لتبييض وتنعيم الجسم

1

كل بنات حوا بيحلموا دايما ببشرة بيضا وناعمة وبنقعد ندور على وصفات حلوة ومضمونة احنا النهاردة هنريحكم من البحث الكتير وجمعنالكم احسن وصفات لتبييض وتنعيم الجسم الوصفات هتفتح البشرة وتوحد لونها وكمان هتنعمها.

ياللا نعرف مع بعض افضل وصفات طبيعية لتبييض وتنعيم الجسم:

1- الوصفة الاولى:

المكونات:

معلقة كبيرة دقيق.

معلقتين صغيرين لبن.

ربع كوباية عصير ليمون.

طريقة التحضير والاستخدام:

اخلطي الدقيق واللبن وبعدين ضيفي عليهم عصير الليمون بس ضيفي الليمون واحدة واحدة واعجني بيه الخليط لحد ما يبقى عندك خليط سمكة كويس مش شايل اوي ولا تخين اوي بعد ما تجهزي الخليط افركي بيه جسمك قبل ما تستحمي وسيبيه عشر دقايق وبعدين اغسلي جسمك, اعملي الخلطة دي مره في الاسبوع وهتلاحظي النتايج بعد شهر من استخدامها.

وصفات لتبييض وتنعيم الجسم
وصفات لتبييض وتنعيم الجسم

2- الوصفة التانية:

المكونات:

2 معلقة كبيرة زيت زيتون.

معلقة كبيرة عصير ليمون.

معلقة كبيرة ملح.

نصف كوباية سكر.

طريقة التحضير والاستخدام:

اخلطي كل المكونات مع بعض كويس اغسلي جسمك بمية دافية ونشفيه وبعدين افردي الخليط على جسمك وسيبيه ساعتين وبعد الساعتين افركي جسمك بليفة ناشفة لمدة دقايق وبعدين اغسلي جسمك ونشفيه وادهنيه باي كريم مرطب مناسب لبشرتك.

وصفات لتبييض وتنعيم الجسم
وصفات لتبييض وتنعيم الجسم

3- الوصفة التالتة:

المكونات:

نصف كوباية سكر.

معلقتين خميرة فورية.

زيت زيتون – عصير ليمون “حطي منهم كمية حسب العجن لحد ما يبقى عندك خليط تقيل شوية”.

طريقة التحضير والاستخدام:

اخلطي المكونات مع بعض وبعدين بلي جسمك بالمية ودلكي جسمك بالخليط كويس بحركات دائرية وبعدين اغسلي جسمك ونشفيه ورطبيه بالمرطب.

وصفات لتبييض وتنعيم الجسم
وصفات لتبييض وتنعيم الجسم

4- الوصفة الرابعة:

المكونات:

زيت جلسرين “هتلاقوة عند العطار او في الصيدلية”.

عصير ليمون.

طريقة التحضير والاستخدام:

اخلطي كميات متساوية من زيت الجلسرين وعصير الليمون الكمية اللي تكفيكي ادهني بيها جسمك وسيبيه لمدة ساعتين او ممكن تنامي بيها وتغسليها الصبح بمية دافية.

وصفات لتبييض وتنعيم الجسم
وصفات لتبييض وتنعيم الجسم

5- الوصفة الخامسة:

المكونات:

3 معالق كبيرة خل.

معلقة كبيرة لبن.

طريقة التحضير والاستخدام:

في طبق حطي الخل وبعدين ضيفي عليه اللبن وانتي بتحركي الخليط بسرعة بالمعلقة بعدين حطي الخليط على جسمك ودلكية بحركات دائرية وسيبيه على جسمك ساعة وبعدين اغسلية بمية دافية.

وصفات لتبييض وتنعيم الجسم
وصفات لتبييض وتنعيم الجسم

6- الوصفة السادسة:

معلقة صغيرة لبن بودرة.

معلقة صغيرة عسل ابيض.

معلقة صغيرة عصير ليمون.

نصف معلقة صغيرة زيت لوز.

طريقة التحضير والاستخدام:

اخلطي المكونات كلها مع بعض كويس وحطي الخليط على جسمك وسيبيه ربع ساعة بس وبعديناغسلية بمية دافية.

وصفات لتبييض وتنعيم الجسم
وصفات لتبييض وتنعيم الجسم

7- الوصفة السابعة:

ربع كوباية عصير ليمون.

معلقة صغيرة زيت زيتون.

صفار بيضة.

طريقة التحضير والاستخدام:

اخلطي المكونات مع بعض وقلبيهم كويس لمدة خمس دقايق عشان صفارالبيض يتخلط كويس مع الزيت والليمون وبعدين ادهني جسمك بالخلطة وسيبيه نصف ساعة وبعد كده اغسليه بمية دافية.

وصفات لتبييض وتنعيم الجسم
وصفات لتبييض وتنعيم الجسم

8- الوصفة التامنة:

المكونات:

 كوباية ونصف زبادي.

معلقة صغيرة عسل ابيض.

2 معلقة كبيرة عصير ليمون.

4 حبات لوز.

شوية كركم.

طريقة التحضير والاستخدام:

نطحن اللوز كويس لحد ما يبقى بودرة ونضيف عليه باقي المكونات ونخلطهم كويس وادهني بيهم جسمك وسيبيه لحد ما ينشف وبعدين اغسليه بمية دافية واعملي الوصفة كل يوم قبل النوم.

وصفات لتبييض وتنعيم الجسم
وصفات لتبييض وتنعيم الجسم

9- الوصفة التاسعة:

معلقة صغيرة كركم.

2 معلقة صغيرة دقيق.

كريمة.

من 5 ل 10 نقط عصير ليمون.

طريقة التحضير والاستخدام:

اخلطي الدقيق والكركم وضيفي عليهم الليمون وبعدين ضيفي الكريمة واحدة واحدة لحد مايبقى عندك خليط شبة الكريم وادهني بيه وشك او جسمك كله اي منطقة حابة تفتحيها وسيبيه على جسمك لحد ما ينشف وبعد كده اغسليه بمية دافية, ولو انتي بشرتك حساسة ممكن تستغني عن الليمون.

وصفات لتبييض وتنعيم الجسم
وصفات لتبييض وتنعيم الجسم

10- الوصفة العاشرة:

المكونات:

كوباية عصير ليمون.

كام نقطة مية ورد.

طريقة التحضير والاستخدام:

اخلطي الليمون ومية الورد كويس مع بعض وجيبي حتة قطن وابدأي ادهني جسمك بالخليط في حركات دائرية وسيبيه ربع ساعة وبعدين اغسليه بمية دافية.

وصفات لتبييض وتنعيم الجسم
وصفات لتبييض وتنعيم الجسم

11- الوصفة الحادية عشر:

المكونات:

عصير ليمون.

عصير خيار او عسل ده او ده الاتنين هيعملوا نفس النتيجة.

طريقة التحضير والاستخدام:

هنخلط كميات متساوية من عصير الليمون مع عصير الخيار او العسل اللي انتي هتختارية منهم وتدهني بيه جسمك كل يوم وسيبيه ربع ساعة وبعدين اغسليه بمية دافية.

وصفات لتبييض وتنعيم الجسم
وصفات لتبييض وتنعيم الجسم

12- الوصفة الثانية عشر:

المكونات:

علبة زبادي.

عصير برتقان.

طريقة التحضير والاستخدام:

اخلطي الزبادي وعصير البرتقان حطي من واحدة واحدة لحد ما يبقى عندك خليط قوامة معقول وادهني بيه جسمك وسيبيه ربع ساعة وبعدين اغسليه بمية دافية.

وصفات لتبييض وتنعيم الجسم
وصفات لتبييض وتنعيم الجسم

بنات حوا

مقالات ذات صلة

زر الذهاب إلى الأعلى