السيسي:”مش هنسيب تارنا ويجب أن تتحرك الحكومة والبرلمان والقضاء”

قال الرئيس عبدالفتاح السيسي موجها حديثه للبابا تواضروس وأسر ضحايا حادث تفجير الكنيسة البطرسية “إن العزاء لكل المصريين مش ليكم بس ده لينا كلنا، والمصاب ده لينا كلنا.. احنا حاجة واحدة واللي بيحصل ده عارفين إن هدفه اصابتنا بالاحباط”.

وأضاف:” غلبوا في المصريين.. غلبوا فينا، بقالهم 3 سنين يهزوا فينا مابنجيش معاهم يعملوا بلبله مافيش فايدة وإرهاب مافيش فايدة.. ده إحباط وأوعوا تفتكروا غير كده لان المصريين حيروهم”.

وتابع “السيسي“، خلال كلمته بالمراسم الرسمية لتشييع جثامين ضحايا الحادث الإرهابي الذي استهدف الكنيسة البطرسية، قائلا:”ناخد الأرز والسكر مافيش فايدة، انتو مش بتتحركوا.. 75 كنيسة ندمرها مافيش فايدة”، مُضيفًا:” لازم تبقوا عارفين مش هنسيب تارنا بعد اللي قبضنا عليهم”.

واستطرد: “الحكومة والبرلمان لازم نتحرك أكتر من كده القضاء مش هينفع كده ومش هينفع يتعامل قوانين بشكل حاسم”.