صراخ وعويل بين طالبات الثانوية لصعوبة امتحان اللغة الانجليزية
اختلف المشهد أمام لجان الثانوية العامة بمدرسة أم الأبطال بالهرم، عقب انتهاء الطالبات من أداء امتحان اللغة الإنجليزية، فقليل منهن مبتسم وأخريات أصابتهن حالة من البكاء والعويل.
فيما أجمع الطالبات على صعوبة أجزاء عدة بالامتحان، منها: قطعة الخيال العلمي، وبعض النقاط في سؤال “choose”، و”find the mistake”، وأحد أسئلة القصة.
وفي السياق ذاته قالت أسماء رمضان: “القطعة صعبة، وأسئلة الـ”Quotation” في القصة، ونقاط كتير في “choose “، ومنهم لله بقى”.
وتابعت هدير عمر: “مشكلتي مكنتش القطعة أكتر من “find the mistake”، كلنا خارجين بنشتكي منها هي وبعض نقاط الـ”choose”، كنا فاكرين هيجي سهل وهنخلص”.
والتقطت طرف الحديث، منة عصام، واصفة الامتحان بأنه جيد، ولكن هناك بعض النقاط التي تسببت في توتر الطالبات في اللجان، قائلة: “كل اللي اشتكينا منه واحد، القطعة والاختيارات، وأحد الأخطاء، وسؤال في القصة، يعني كلنا أجمعنا على ده دول أصعب الحاجات في الامتحان، احنا مذاكرين والله، واللي بيقول الامتحان حلو يعني فيه حاجات حلوة بس مش كله”.
وأخيرًا قالت فاطمة مصطفى: “مش عارفة الامتحان حلو ولا إيه؟ المجمل أنه وحش علشان في نقاط كتير اشتكينا منها”، موضحة أن هناك حالات من التوتر أصابت الطالبات داخل اللجان، ما أثر على عدد منهن بالسلب، بجانب حالات الإغماء بداخل وخارج المدرسة بسبب الامتحان.
كما أصاب أولياء الأمور حالة من الضجر والصراخ عقب خروج بناتهن من الامتحان بعد أن علموا بصعوبة الامتحان.
صرخت أحد أولياء الأمور قائلة: “حرام كده اللي بيحصل للعيال ده ليه بيجيبوا الامتحانات صعبة ويعملوا فينا كده”، وأخرى قالت: “حسبي الله ونعم الوكيل، حرام عليكوا، منكم لله، أحنا تعبنا طول السنة وأعصابنا انهارت”.
الوفد
