منيو إفطار 26 رمضان:

• حبة رمان مقشرة

• عصير 3 برتقالات

• 1/4 كوب سكر

• كوب كبير مية باردة

• مكعبات تلج “اختياري”

حطي حبوب الرمان مع عصير البرتقال مع المية مع السكر في الخلاط، واضربيهم كلهم مع بعضهم كويس، وقبل أذان المغرب بربع ساعة صبي العصير في كأسات العصير وضيفي إليه مكعبات التلج

• نصف كيلو جمبري

• ملح

• فلفل أسود

• عصير ليمونة

• 1/2 كوب دقيق

• 3 أكواب مية

• بقدونس مقطع قطعاً صغيرة

• نص رأس ثوم مدقوق

• 1/4 كوب زيت

• معلقة سمنة

• أوراق بقدونس”للتزيين”

• 1/4 حزمة كزبرة مقطعة قطعاً صغيرة

1. اغسلي الجمبري كويس، وبعد كده اخلطيه بالثوم المدقوق والملح والفلفل، وقلبيهم مع بعض كويس، وسيبيه نص ساعة علشان يتبل.

2. بعد مرور النص ساعة حطي الجمبري على النار وحطي معاه الزيت والسمنة مع التقليب المستمر لغاية ما الجمبري يبقى لونه ذهبي.

3. أثناء ما الجمبري يحمرّ اخلطي المية مع الدقيق مع التقليب علشان لغاية ما شكلهم يبقى شكل الكريمة السائلة، بعد كده ضيفي إليهم الملح والبهارات والفلفل الأسود وقلبيهم مع بعض كويس.

4. بعد ما الجمبري يحمرّ ضيفي إليه الخليط السابق، وسيبيه على النار لمدة نص ساعة مع استمرار التقليب المستمر علشان ما يكلكعش.

5. بعد مرور النص ساعة اطفي البوتجاز، وصبي الشوربة في الأطباق، وضيفي إليها عصير الليمون، وزيّني الطبق بشوية كزبرة وأوراق البقدونس.

• 2 حبة طماطم

• 2حبة خيار

• بصلة

• شرائح ليمون

• 1 حبة فلفل أخضر

• 3 فصوص ثوم مبشور

• معلقة كبيرة ملح

• 3 معالق طحينة

• 1 حبة جزرة

• معلقة صغيرة شطةحمراء

• معلقة صغيرة كمون

• معلقة زيت زيتون

• عصير ليمونة

1. قطعي الطماطم والخيار والجزر والفلفل قطع صغيرة.

2. قطعي البصلة قطع صغيرة وضيفي إليها عصير الليمون والملح والفلفل والكمون، ضيفي إليها الثوم المبشور والطحينه وزيت الزيتون.. بعد كده ضيفي إليها البصلة وقلبيهم مع بعض كويس.

3. بعد ما تقلبيهم مع بعض كويس حطي السلاطة في أطباق السلاطة وضيفي إليها شرائح الليمون

• كيلو سمك فيليه “هامور أو أي نوع إنت بتحبيه”

• عصير ليمونة

• كوب دقيق

• كوب بقسماط

• 3 بيضات

• معلقة صغيرة فلفل

• معلقة صغيرة ملح

• زيت للقلي

• 8 فصوص ثوم

• قرن فلفل أحمر مقطعاً قطعاً صغيرة

• ملح وكمون

• معلقة كبيرة بهارات سمك

• أوراق جرجير “للتزيين”

• شرائح ليمون “للتزيين”

1. هاتي فصوص الثوم وقرن فلفل أحمر مقطع قطع صغيرة، وحطيهم في الهون، ومعاهم الملح والكمون والبهارات، واطحنيهم كويس مع بعض. ضيفي إليهم الليمون وقلبيهم مع بعض.

2. هاتي السمك واغسليه كويس، وبعد كده رشي عليه الخليط السابق وسيبيه لمدة نص ساعة علشان يتبّل كويس.

3. هاتي طبق كبير وحطي فيه الدقيق والبقسماط والفلفل والملح.

4. هاتي طبق تاني صغير، وحطي فيه البيض المخفوق المضاف ليه رشة فلفل وملح.

5. حطي السمك في البيض، وبعد كده حطيه في الدقيق والبقسماط، كرري نفس الموضوع لغاية ما تلاقي السمك خلص.

6. سخني الزيت كويس قوي، واقلي السمك فيه بعد ما تخلّصي قلية السمك طلعيه وحطيه في أطباق التقديم، وزيني الطبق بأوراق الجرجير وشرائح الليمون؛ ممكن إنك تعملي مع الطبق ده بطاطس محمرة.

• 1/2 كوب زبدة

• 1بيضة

• 2 كوب دقيق

• 3 معالق كبيرة سكر

• 1/4 كوب تمر مقطع قطعاً صغيرة

• 1/3 كوب ماء

• 1 كوب تمر

• 1 كوب كسترد

• 2 معلقة كبيرة سكر بودرة “للتزيين”

1. اخلطي الدقيق مع السكر، وقطع التمر وقلبيهم مع بعض كويس، وضيفي إليهم الزبد واعجني الخليط ده مع بعضه بأطراف أصابعك.

2. ضيفي للخليط السابق البيض والمية مع استمرار التقليب، لغاية ما تلاقي العجينة بقت لينة افرديها في القوالب الخاصة بالتارت وغطيها بالكسترد والتمر، وبعد كده حطيها في فرن درجة حرارته 160 درجة مئوية لمدة 20 دقيقة وبعدين طلعيه من الفرن وسيبيه لغاية ما يبرد وزينيه بالسكر البودرة.

الموجز