عمرو مصطفى للحاقدين: «اطلعوا برة»
قال الموسيقار والملحن عمرو مصطفى، عبر صفحته الشخصية على موقع التواصل الاجتماعى فيس بوك، للحاقدين، إنه وجد بعض الأكونتات التى تحرض على الوطن ووجه لهم رسالة قال فيها:
“لقيت عندى فى الصفحة شوية أكونتات تحريضية على البلد ، ممنوع تواجد أى حاقد أو محرض هنا، مش عجبك بوست ليا فى ستين داهية برة”.
أضاف مصطفى: “أنا أول واحد فى مصر، حذرتكم من ٢٥ يناير، فياريت متظيتوش لما قولك استحمل استحمل لأنها المرة دى هتروح مش راجعة تانى، علشان كده هكون فى منتهى العنف مع أى كومنت ما بيقولش الحمد لله وفى ستين داهيه بره أنت حاقد وناقم وهتفضل طول عمرك كده”.
وتابع مصطفى: “اللى بيكلمك ده قعد ٥ سنوات يأكل عدس وبطاطس، بس قبل ما يكون فى فلوس وشهرة، عادى كل أسرة بتمر بظروف صعبة، بس الإرادة إنى أنتشل كل أسرتى من الموقف ده بعد مرض أبويا رحمه الله، هو من جعل منى اسم يعمل فى جميع أنحاء العالم، وعلى فكره وقتها كانت مصر فيها فلوس كتير جداا، بس ربنا أراد أن أسرتى ميكونش معاها فلوس، بس حمدته وأبويا وأمى حمدوا، والنهاردة أن بعلم ولادى يحمدوا ربهم كل يوم”.
واختتم مصطفى تدوينته: “مش هسمح لأى تعليق محرض مفهوم، يا بتاع أصل أنت مش حاسس بالغلابة، لا يا خفيف حسّيت وكنت واحد منهم بس مكنتش مريض زيك بالشكوى، كنت بطلب من اللى خلقنى بس مش من حكومة ومخلوق”.
مبتدا
