قال الإعلامي تامر أمين، إن هناك بعض الدول الكبرى الديمقراطية تقوم بمعاقبة أهل الإرهابيين علي أفعال أبنائهم، وردد: « هو الإرهابي ده بيطلع منين من أسرة صح .. ينفع الأسرة تتحاسب بذنب أبنها؟».
وتابع أمين خلال تقديمه حلقة اليوم من برنامج «الحياة اليوم» المذاع علي فضائية، «الحياة»،: «في الدين مفيش حاجة اسمها كده ربنا قال لا تزر وازرة وزر أخرى، أنما الموضوع من الإرهاب يختلف تماما»، لافتا أن فرنسا تعاقب أسر الإرهابيين والقبض عليهم للضغط علي الإرهابيين.
واستطرد أمين: «اللي هيقولي ذنبهم ايه هقول ده مداريين عليه .. ولو مشي من فترة سابهم لازم كانوا يبلغوا عنوا .. لأنهم لو مبلغوش عنه هيبقوا مشتركين معاه في الجريمة».
وأكمل أمين: «متزعلوش مني لو الفكرة شمال شوية .. بس محدش محدش يقولى حرام، في الإرهاب مفيش هزار».
صدى البلد
