“لازم نجري ونشتغل”.. السيسي: “مصر هتبقى حاجة تانية في وقت مش كبير”
قال الرئيس عبدالفتاح السيسي، إن ما تحقق في مصر خطوة من ألف خطوة، مضيفا: “لازم نجري ونشتغل ونعمر ومنخربش ومنقتلش ومنفسدش، مصر هتبقى حاجة تانية في وقت مش كتير أوي”.
وتابع السيسي، في كلمته باحتفال عيد العمال، اليوم الثلاثاء: “وزير قطاع الأعمال قدامي، إحنا بنمسك موضوع موضوع عشان نفهم دا نجح ليه ودا فشل ليه، مهم أن نتوقف مع أنفسنا، ونشوف قطاع الاسمنت والغزل والنسيج، ليه القطاع دا منجحش؟ هل القطاع الخاص سبق القطاع العام؟ مين سبق مين؟ لا القطاع العام سبق بـ65 سنة، طب إصلاح الدولة في القطاع دا لا يساوي 50% من المطلوب لنجاحه، يبقى كل شخص وعامل هو المسئول عن النجاح، مصانع الأسمنت كانت في القطاع العام، لما راحت مكان تاني نجحت، يا ترى العيب فين؟”.
وأوضح السيسي: “محدش هيضيع، أنا شوفت كل الأوضاع، اسمحلونا نعمل منظومة قابلة للنجاح، عشان متبقاش الفلوس في الأرض”.
وخاطب السيي الحضور: “العدد قليل، عايزين نجيب ناس من الجامعات والمستشفيات والزراعة والقطاع الخاص، عشان نشكرهم ونقولهم إننا شايفنهم”.
مصراوى
