الأخبار
بالصور .. ثورة «طلعت ريحتكم» اللبنانية تنتقل إلى «مصر»
تابع العالم العربي مظاهرات الشعب اللبناني ضد أداء الحكومة وتراكم كميات الزبالة بشكل كبير والتي اتخذت شعار “طلعت ريحتكم” وقامت الصحف المصرية والمواقع الإليكترونية بتغطية هذه الأحداث.
وعلى غرار طلعت ريحتكم ، قامت إيمان عبد التواب بإطلاق حملة “مصرية” بعنوان “هنصور الزبالة”، وقد قام «الموجز» بالتواصل مع إيمان لشرح أهداف الحملة وأسلوب العمل بها .
سألناها : الفكرة جت منين ؟ وهل ليها علاقة بأحداث لبنان؟
إيمان : الفكرة فارضة نفسها على أرض الواقع وببشاعة، تحت البيت، وأنا ماشية في الشارع، وأنا راكبة مواصلات، حتى المناطق الراقية لم تسلم من المنظر البشع والرائحة الكريهة.
وعن علاقة الحملة بثورة لبنان تقول إيمان : بالعربي كدة إحنا كمصريين كرهنا الثورات والمظاهرات ، فلما حصلت أحداث العنف في لبنان بسبب القمامة ، فكرت وقلت مش محتاجة مظاهرات ولا إفتعال عنف مع الحكومة ، ومن هنا بدأت أفكر فينا إحنا كمصريين إزاي نوصل للمسئول اللي عمره ما شاف ولا هايشوف زبالة في الشارع الصورة اللي عايشينها كل لحظة، ففكرت إننا نصور ونعلن مأساتنا على الملأ، علشان كل واحد يعرف حدود مسئوليته
وهو دة الهدف .
وعن الوسيلة اللي اتبعتها الحملة ؟
إيمان: فقط الصورة ، وأي حد ممكن يلاقي صورة بتشوه الشارع أو الميدان أو ملف يصورها وينشرها ببساطة كدة.
وفي النهاية قالت إيمان: أتمنى إن الكل يتفاعل، أنا وإنت وهو وهي ، مجرد رفضنا لوجود المنظر ده، شيء إيجابي، لسبب بسيط وهو إني خايفة إننا نعتاد على القبح ونشوفه منظر عادي.
وقد شارك أعضاء الحملة بتصوير أكوام الزبالة في عدة مناطق منها النزهة الجديدة أمام هيئة البريد ومدرسة زهرة المدائن وشارع جسر السويس وعدة مناطق بعين شمس
الموجز
