“أقدام مفرومة, أصابع متطايرة, جزء من يد , ومجموعة عظام , كراسة الواجب , علبة الألوان , وكتاب الدين” .. هي كل ما تبقى من أطفال المدرسة الذي استيقظوا صباح الأمس ليرتدوا “أكفانهم” أو زي مدرستهم ليسيروا في رحلة اللاعودة .
“اسم الميت من كراسته !! اصله لسه مطلعش بطاقته” هو حال الأهالي أمس بعد اصطدام قطار أسيوط بأتوبيس طلاب المعهد الديني , لتبدأ رحلة البحث عن هوية طلاب الابتدائية الذين يتراوح أعمارهم بين الست سنوات و 12 سنة .
مش لازم الواجب لأن مفيش مدرسة
وأمام مستشفى منفلوط أم تنتابها نوبة بكاء هستيري ، وهى تصرخ فى الحشود ، وتلوح بكراسة نجلها ليراها الجميع , وتروي بصوت مخنوق والدموع تغمر عينيها فى الليلة السابقة للحادث، رفض محمد تناول عشائه، نكاية فيا لاني “ناكفته” كثيرا لكتابة “واجبه المدرسي”، لكنه أصر على موقفه، حتى استجاب لرغبتي , وأخيرا تناول عشائه أولا، ثم أحضر كراسته لكتابة “الواجب”.
تبكي الام وتكمل : “راح وسابها لي، نام ومكتبش الواجب، كان عارف إن خلاص معدش فيه مدرسة، ولا حد هيسأله ليه معملش الواجب”. وتضم الكراسة إلى صدرها بقوة، ثم ترفعها لتقبلها: ثت تقول “قال لي وهو رايح المدرسة الصبح متزعليش مني ياما مش هعمل كده تانى”..
وصدق ضحية الإهمال “مش هيعمل أي حاجة تاني” .
قبلة وداع أحمد لماما
يلآ يآ أحمد قوم هتتأخر علي المدرسة .. يآبنى قوم السآعه بقت 7 , “يا ماما سبينى شوية” , “لا قوم بلآش كسل” .. الطفل : “يووووووه حآضر أدينى قومت .. عملتيلي السندوتشآت بتآعتى” , الأم :”أه عملتهآ ومليتلك الزمزمية ميه سآقعه” , الطفل يسأل : “حطتيلي كتآب الدين عشآن هسمع السورة النهآردة” , الأم : “أيوة كل الكتب في الشنطه.. يلآ الأتوبيس بتآعك جه” , الطفل :”حآضر أنآ نآزل سلآم” , الأم تطلب قبلة الوداع الأخيرة : “أستنى مش هتجيب بوسة لمآمآ؟” , “حآضر يآ مآمآ بوسة كبيييييييييرة أهى” .
الأم عنيهآ مرقبآه لحد مآ خرج وقفل البآب .. فتحت الشبآك عشآن تشوفه بيركب الأتوبيس وتطمن .. الطفل يفتح الشباك وينظرلامه من الأتوبيس ويشآورلهآ بـأبتسامه ..
الام كآن قلبهآ مقبوض وحآسة حآجة غريبة , مشي الأتوبيس وهو بيشآور وعنيه بتلمع من الضحكة البريئة .
السوآق : بطلوآ تنطيط أنت هو وأقعدو ع الكرآسي .. بس الأطفآل فرحآنين بيتكلموآ ويلعبوآ ..
السكة مفتوحة .. السوآق بيعدي .. أيــه دة حآسب حآآآآآآآآآآآآآآآآآآآآسب حآآآآآآآآآآآآآآآآآآآآآسب .. أحمـد مـآت .. صحآبة مآتوا .. والزمزمية أتملت دم بدل الميه .
والدة أحمد : أحمد كان نفسه يبقي دكتور أو ظآبط أو مهندس , مين قتلك يآ أحمد ؟ أحمـد .. أنت سآمعنى , أحمـد دة أنت لسة بآيسنى ووآخداك في حضنى من 5 دقآيق ..مبتردش ليه .. سآيب مآمآ لمين يآ أحمد ؟
أحمـد …هعيش أزآى من غيرك وريحتك لسة في هدومى ؟ مع السلآمة يآ حبيبي مآمآ .. هتوحشنـى.
شنطة محمود فين ؟؟
محمد : ماما
ماما : ايه ياحبيبي في ايه ؟
محمد : “أخواتي عوزين يأخذو المسطره الجديده بتعتي”
ماما : “معلش ياحبيبي أدهلهم ولما تيجي هجبلك واحده تانيه”
محمد : “ماشي يا ماما”
ماما : “خد بالك من أخواتك ومن نفسك ياحبيبي”
محمد : حاضر يا ماما
سلام .. سلام
تليفون الام يرن : ألو
حضرتك والدة الأطفال أحمد أشرف هاشم , محمد أشرف هاشم , محمود أشرف هاشم
الام :”أيوه في ايه اتخانقو تاني ؟”
لا .. هما ..البقاء لله يا فندم
الاب والام يجروا على موقع الحادث .. أشرف هاشم، فقد 3 من أطفاله؛ أحمد ومحمد ومحمود، يصرخ “سيبت شنطتك فين يا محمود، أنا يابنى لميت شنط إخواتك لسه بتاعتك يا ضنايا”
والأهالى من حوله يذرفون الدموع صامتين، لا يجرؤ أحد على تهدئته، كان يواجههم كلما حاولوا بعصبية بالغة.
الاب يواصل النداء:”يا أحمد يا محمد شنطة أخوكم محمود فين؟”.. “لسه شنطة الواد محمود، طول عمره كان مهمل كده، بس كان قايللى إنه هيبقى شاطر عشان أجيب له عجلة فى نص السنة” .
الشباب : فين مابيموتش !!
حزن .. بكاء .. عويل .. أسيوط تقضي ليل طويل لم ولن ينتهي الا بالقصاص من المذنبين والمتسببين في الحادث , ومصر تنام على كارثة راح ضحيتها 51 طفل في عمر الزهور .
شباب الفيس بوك لم يستطيعوا تقديم العون لاهالي الضحايا , اآذروهم بالتعازي والدعاء , ومحاولة فضح الاهمال , مشيرين لان السواح الروس في حادث قرش شرم الشيخ حصل كل منهم على 50 ألف جنية , في حين ان أم كل طفل مصاب حصلت على 4 ألاف جنية فقط.
“المصرى دمه ارخص من التراب اللى بيمشى عليه” جملة ترددت كثيرا على صفحات الفيس بوك ايضا بعد نشر احصائية تقول ان الجاموسة العشر 12000 جنيه .. I Phone 5 تمنه 9000 حنيه .. فانوس المرسيدس 5000 جنيه.. الطفل المصري عند الحكومة 4000 جنيه .
ثمن الطفل أرخص من عامود النور
احد رواد الفيس يقدم نصيحة لاصدقائه قائلا : لو ماشي بعربيتك والفرامل سابت وامامك اختيارين، اما انك تخبط “عيل” او تخبط عامود نور , اخبط العيل على طول لأنه بـ 4000 جنيه والعامود بـ 20 ألف .
حالة من الغضب الهيستري اجتاحت الفيس بوك , حيث قال رواده : “مره واحد بيصلى فى كنيسه مات .. مره واحد سهران مع اصحابه مات .. مره واحد قال للظلم لأ مات .. مره واحد نزل يطهر بلده مات .. مره واحد راح يجيب حق الى مات فمات .. مره واحد نزل يجيب حق الى مات الى كانوا نازلين أصلاً عشان يجيبوا حق الى مات فمات !! .. مره واحد راح يحمى بلده ع الحدود مات .. مره واحد رايح ماتش كوره مات .. مره واحد رايح يتعلم مات !! .. فين مابيموتش !؟
وعن حال الأم المصرية قالوا :”ابنها يروح المظاهرات يرجع ف كفن .. ابنها يروح ماتش كورة يرجع ف كفن .. ابنها يروح المدرسه يرجع ف كفن .. ابنها يقف يحمى الحدود ويرجع ف كفن .. طب أشتريكى بإيه يا بلدى و أرخص ما فيكى دم ولادى” .
الفيس بوك ناقم على مرسي والحكومه
أما الغاضبين على الحكومة قالوا : “متى نتعلم ان غلق المزلقان اهم من غلق المواقع الإباحية !! .. متى نتعلم ان الصرف على تأمين حافلة اطفال اهم من الصرف لتأمين موكب رئيس .. متى نتعلم ان مواساة أهالي الضحايا اهم من كأس أفريقيا او آسيا .. متى نتعلم ان تجهيز مستشفى …. اهم من بناء مسجد او كنيسة .. متى نتعلم ان بناء مدرسة اهم من بناء نصب تذكاري .. متى نتعلم ان للموت حرمة و للدم حرمة .. متى نتعلم ان الاسبقيه للانسان قبل اى شئ” .
وقالوا : ” ﺻﺪﻕ ﺍﻭ ﻻ ﺗﺼﺪﻕ .. ﺗﺨﻴﻞ ﺍﻥ ﻋﺪﺩ ﺿﺤﺎﻳﺎ ﺇﻋﺼﺎﺭ ﺳﺎﻧﺪﻱ (ﻛﺎﺭﺛﺔ ﻃﺒﻴﻌﻴﺔ) ﺍﻗﻞ ﻣﻦ ٥٠.. ﻭ ﻋﺪﺩ ﺷﻬﺪﺍﺀ ﻏﺰﺓ ٣٨ ﻣﻨﺬ ﻫﺠﻮﻡ ﺍﻟﻌﺪﻭﺍﻥ ﺍﻟﺼﻬﻴﻮﻧﻲ ﺍﻟﺪﻧﻴﺊ .. وﻓﻲ ﻣﺼﺮ : ﺇﺳﺘﺸﻬﺎﺩ ٧٤ ﻣﺸﺠﻊ ﻓﻲ ﺍﻹﺳﺘﺎﺩ ﻛﻞ ﺍﻟﻠﻲ ﻋﻤﻠﻮﻩ ﺍﻧﻬﻢ ﻳﺸﺠﻌﻮﺍ .. ﻭ ﺇﺳﺘﺸﻬﺎﺩ ٦٥ ﻃﻔﻞ ﻣﺼﺮﻱ ﻓﻲ ﺩﻗﺎﺋﻖ ﻓﻲ ﺗﺼﺎﺩﻡ ﺑﻴﻦ ﺣﺎﻓﻠﺔ ﻭ ﻗﻄﺎﺭ ﻭ ﻫﻤﺎ ﻓﻲ ﻃﺮﻳﻘﻬﻢ ﻟﻠﻤﺪﺭﺳﺔ .
كما قالوا عن انجازات الحكومة بعد 5 شهور من تولي مرسي للرئاسة : 16شهيد على الحدود فى رفح ..11 جندى أمن مركزى ..3 جنود وأمين شرطه..2 قتلى فى قطار الفيوم .. 50 طفل فى مذبحة أسيوط .. رفع الدعم عن البنزين .. غلق المحلات فى العاشره مساء .. زيادة أسعار الماء والغاز والكهرباء .. زيادة أسعار الأنابيب .. زيادة سعر رغيف العيش .. زيادة نسبة البطاله .. زيادة فى السرقات والحوادث والبلطجه .. تحليل الربا المتمثل في قرض صندوق النقد .. دعم غزه وليس فلسطين على حساب فقراء الشعب المصرى .. الإفراج عن الإرهابيين وقتلة الأبرياء .. غلق بعض القنوات المعارضه للإخوان وكذلك بعض الصحف .. محاولات كثيفه لأخونة الجيش والشرطه .. فتاوى هدامه ليست من الإسلام فى شئ.. دستور يتم طبخه الأن لصالح الجماعات الإرهابيه .. محاولات للركوب على أحكام القضاء فى كل حكم .. مرسى بيعزى ضحايا غزه فى بيان رسمى على التليفزيون لمدة 35 دقيقة ..و بيعزى اطفالنا من على تويتر وعلي بيان بالتلفزيون لمدة لم تزيد عن 98 ثانية !!
ز ر ع ، ح ص د ، م ا ت
بينما قال أحد رودا الفيس بوك : “من ساعه مانزلت الشارع في صبحيه مجزرة أطفال اسيوط , من مدينه نصر للمعادي مشوفتش ولا اتوبيس مدرسه .. شايف امهات مع اطفالها ف تاكسي , وامهات ماسكه ايد اطفالها جامد اوي وماشيه بيهم ف الشاع , لو اتوبيس مدرسه اولادك بيعدي من علي شريط سكه حديد : فكر الف مره
ذ ر ع ، ح ص د ، م ا ت
الدستور
