فيس بوك بعد تراجع الرئيس: مرسي كان بيجرب الصلاحيات بيشوفها شغالة ولا لأ.. باسم يوسف هيبدع الحلقة الجاية!!

أثار قرار الرئيس محمد مرسي بوقف جميع التعديلات على قانون الضرائب التي تم إقرارها مؤخرا ردود فعل ساخرة على مواقع التواصل الاجتماعي فيس بوك وتويتر.
وكان الرئيس محمد مرسي قد أصدر سلسلة قرارات جمهورية بتعديلات على ضرائب عدد من السلع والخدمات، مما أشعل الشارع المصري، وفجأة بعد مرور أقل من 24 ساعة على القرار أعلنت رئاسة الجمهورية أن الرئيس قرر إيقاف هذه التعديلات لحين إجراء حوار مجتمعي حولها.
ومن أبرز تعليقات الفيس بوك:
-رئيس و كان بيهزر مع شعبه
فيها ايه دي ؟
-انا بقيت احس ان مرسي بيعمل قرارات مخصوص علشان يرجع في كلامه
-مرسى لغي القانون بتاع الضريبة عشان كان بيجرب الصلاحيات بيشوفها شغالة ولا لأ !!
-قراراتكم اليوم هاتخلى د.باسم يوسف يبدع الحلقة الجاية
-دوله المحله الكبرى تهنىء شعب مصر العظيم بالغاء قرار الضرائب الجديد اوى
-وانا من موقعى هذا جمب القصر الجمهورى بمجلس المحله بهنيكووووووو اه والله
-محمد مرسي مخاطبا الشعب بعد الغاء قراره بفرض ضرايب
اهلي وعشيرتي … على الطلاج انتوا اتخضيتوا
-دلوقتي منصب الرئيس بقي شيفتات وأنا بأيد الرئيس بتاع الاوفر نايت عشان بيلغي قرارات بتاع الصبح
-أنا متأكد ان القرارات دى ماتلغتش ..أكيد فى حد سهران فى الرئاسة دلوقتي و عمال يلعب فى الزراير بتاعة القرارات

الإخوان بعد قرار زيادة الضرائب: أيوة صح كدة القرار دة مناسب لأن مفيش أقتصاد فى البلد.. وبعد إيقافه: أيوة صح كدة الريس حاسس بنبض الشارع والناس-

الموجز