تويتر يسخر من مشروع قانون التظاهر الجديد: يعني حقنا نعمل مظاهرة بس بشرط منعملش مظاهرة! شفيق ستايل بس من غير بونبوني

قانون التظاهر الجديد.. قالك المظاهرات لا يجوز فيها الالفاظ الخارجة … طيب يا منيّل امنعها من القنوات الدينية الاول
الجديد كان فاضل يقول فيه ان الواحدة مينفعش تنزل تتظاهر من غير محرم.. والموبايل يكون سايلنت مش فيبريشن
وجبات ممنوع تواجدها فى اى مظاهرة: الجبنة النستو والفول المعلب يا معفنيييييييييييييييييين.. شفيق ستايل بس من غير بونبوني
قانون التظاهر الجديد من شروطه دقن طويلة جلباب قصير والهتاف استقرار الشاطر وعجلة المرشد
كانوا مفروض يضيفوا مادة في القانون إنه في حالة تقاعس الداخلية او انسحابها يحق للجماعة نزول الميليشيات
طب قانون التظاهر الجديد هيتناقش في البرلمان ولا علي قناة موجة كوميدي ؟؟

دشن نشطاء على تويتر هاشتاج للسخرية من قانون التظاهر الجديد والشروط التي وضعتها اللجنة التشريعية لتنظيم حق التظاهر بعد ثورة خلعت نظام ديكتاتوري .. وقال النشطاء إن القانون جاء لقمع التظاهرات ولم ينقص من وضعوا المشروع إلا أن يشترطوا حضور محرم مع المتظاهرات وتحديد هل يكون الموبايل فيبريشن ولا سايلنت . فيما اطلق عليه البعض شفيق ستايل بس من غير بونبوني.. جبنة نستو يا معفنين.

وطبقا لما نشر عن القانون الذي أعدته اللجنة التشريعية بمجلس الشورى فإنه يلزم من يريد تنظيم اجتماع عام أو تجمع سلمى أو مسيرة، إخطار الجهات الإدارية المختصة قبلها بثلاثة أيام على الأقل, ويعطيها الحق في تحديد مكانه وميعاده، ويجوز لتلك الجهة منعه أو حله للأسباب التي تراها, كما يجوز للشرطة حضوره, ويعطيها الحق في فضه وتفتيش المتظاهرين وتفريق التظاهرات أيضاً بالقوة إذا انتهت مدة المظاهرة والتي تم تحديدها من الساعة السابعة صباحاً حتى السابعة مساءاً, إذا ما هدد السلم العام,

وسخر النشطاء من القانون الجديد ومن طريقة صياغته وجاءت أبرز التعليقات:

– قانون_التظاهر_الجديد “يجب الإخطار بالزمان والمكان وموضوع المظاهرة”

– قانون التظاهر الجديد شفيق ستايل بس من غير بونبوني.. جبنة نستو يا معفنين

– الزمان: 25 يناير 2013 – المكان: مصر – الموضوع: فشخ الميليشيات الإخوانية

– وأعطى القانون الحق لجهة الإدارة منع الاجتماعات إذا كانت تضر بـ«النظام العام» .. يعني تتظاهر بشويييييييييييش!!

– ده الجنازات محسوبه من التظاهرات ويسري عليها القانون..اللي هيموت يبلغ قبلها ب 3 ايام.. ده هزل مش قانون

– كانوا مفروض يضيفوا مادة فى #قانون_التظاهر_الجديد في حالة تقاعس #الداخلية او انسحابها يحق للجماعة نزول الميليشيات

– نسيو يحطو بند الموبايل نخليه عادى والا سايلنت وهل ممكن اللى يتزنق يدخل الحمام؟ :)) عند خالتك يا #مرسى

– إحنا لو نحب بعض مش هنحتاج نتظاهر أصلاً.. حبوا بعض 🙂

– القانون بيقول اللي هيتظاهر هياخد ظابط هدية معاه

– #قانون_التظاهر_الجديد مبارك مات من الفرحة ولا لسه

– #قانون_التظاهر_الجديد هاتوله راجل

– #قانون_التظاهر_الجديد قالك المظاهرات لا يجوز فيها الالفاظ الخارجة … طيب يا منيّل امنعها من القنوات الدينية الاول

– #قانون_التظاهر_الجديد كان فاضل يقول فيه ان الواحدة مينفعش تنزل تتظاهر من غير محرم

– المظاهرة تبدأ الساعة 7 و تخلص الساعة 7 .. أحيه أيه المظاهرة اللي بتبدأ و تخلص في ساعتها دي 😀

– الإخوان أثبتوا بحق ولهم الفخر في ذلك أنهم أساتذة هرتزل وحكماء صهيون جمعااااااء.. جمعااااااء زي مااااااء كده

– طب ينفع أخد معايا قناع فينديتا لونه بينك ولا نو؟

– هتنزل تأيدنا هنشيلك فوق راسنا هتعارضنا هينطلع دين اهلك

– #قانون_التظاهر_الجديد بيقول الصوت ياعم انت وهو وانتى ياثوره خشى جوه

– المادة 21 من القانون :من حق العمال الإضراب السلمى داخل المنشأة دون تعطيل الإنتاج | يعنى أضرب أخماس فى أسداس ولا أعمل أيه ؟؟

– طب #قانون_التظاهر_الجديد هيتناقش في البرلمان ولا علي قناة موجة كوميدي ؟؟

– انتو فاهمين غلط الاخوان عاملين قانون التظاهر لسابعة بالليل مش علشانكم دة علشان مايأخروش الاتوبيسات اللى بيبقوا مأجرينها

– أصل قانون الطوارئ بقى مهروش أوي و مابياكلش مع الناس فقالوايجيبوا أخوه في الرضاعة #قانون_التظاهر_الجديد

– انتخبت #مرسي عشان هتعرف تعارضه؟؟..قلت نعم للدستور عشان الاستقرار؟؟؟.جاهز دلوقتي للاستقرار؟؟؟…..خوووووووود

– #قانون_التظاهر_الجديد من شروطة دقن طويله جلباب قصير والهتاف استقرار الشاطر وعجلة المرشد

– و آدي قانون تاني يوصلنا للعالمية، #قانون_التظاهر_الجديد هاهاهاها، والله إحنا دولة مسخرة

– الناس دي بتثبت لنا كل يوم أننا نحتاج إلي عشرات المصحات النفسية لعلاجهم من أمراضهم العقلية وهلاوس الحكم موعدنا ٢٥ يناير

– المواطن:ممكن اعمل مظاهرة يوم الاربع الضابط: ما تخليها الخميس لحسن الاربع اللى جاى عندنا مظاهرة تانيه

– وجبات ممنوع تواجدها فى اى تظاهر او اعتصام ” الجبنة النستو ” و ” الفول المعلب ” يا معفنيييييييييييييييييين

– يعني من حقنا نعمل مظاهرة بس بشرط أننا منعملش مظاهرة !

– بيقول الإضراب يعني الامتناع عن العمل – ثم مادة 21 بتقول يجوز الإضراب دون تعطيل الانتاج! صحيح متخافش م الهبلة ! 😀

– اضراب بدون تعطيل العمل .. تتعمل ازاي دي ؟؟ بتعملوها ازاي

طب بالنسبه للزى .. ننزل المظاهرات بكاجوال عادى ولا فى زى محدد ؟

– عاوز تتظاهر ادخل الحمام اتظاهر براحتك وياريت محدش برة الحمام يسمع هتافك!”.. ولازم تشد السيفون كويس

– يالا بينا ننزل نجرب #قانون_التظاهر_الجديد ناااااااااااااو! يمكن يطلع ضيق يتعب رجلينا او واسع نلق فيه!

– مش كنتوا بتتريقوا على #الأخوان عشان كانوا بيتظاهرو لحد العصر أهو كلنا هنبقى ثورة ثورة حتى العصر #قانون_التظاهر_الجديد

– اجماعه فيها ايه #قانون_التظاهر_الجديد من ٧ ل ٧ حتي نلحق ساعتين شوبنج قبل قفل المحلات ١٠ و نروح بعدها الكباريه

– مادة 14 : لا يجوز أن تتأخر المظاهرة بعد الساعة السابعة ليلاً .ومن يتأخر بعد ذلك يحتسب له أوفر تايم