وجهت مجموعة “بلاك بلوك” على صفحتها بموقع “فيسبوك” رسالة لجبهة الإنقاذ الوطنى حملت انتقادات لاذعة، معتبرة أن سبب تناقص الحشد فى القاهرة هو “غباء” الجبهة، حيث إنه ساعة الإعلان الدستوري خرجت الملايين وملأت التحرير والاتحادية وكل محافظات مصر فماذا فعلتم بالحشد؟

أولا: مفيش تخطيط للتحرك.. يعني كل دورك كجبهة إنقاذ تدعي الناس تنزل وهي ونصيبها بقي.. كل واحد يطلع الطاقة اللي جواه ويهتف يروح بدون ما تحدد أماكن مهمة زي الشوري وقت كتابة الدستور أو الدستورية وقت حصار الإخوان”

ثانيًا: معندكش قدرة علي اتخاذ قرار واضح زي اعتصام عند الاتحادية والنتيجة قلت اللي عايز يقعد يقعد واللي عايز يروح يروح، فالناس روحت والمعتصمون تاني يوم حصلت معاهم المذبحة.

ثالثا: بغباء وسذاجة وتخلف سياسي منقطع النظير بعد القتل والمظاهرات والموت وتهديدك بالمقاطعة قررت تشارك في مسخرة الاستفتاء وأعطيته شرعية.. فلما تيجي ساعة جنابك تدعي لخروج ضد الإخوان في 25 يناير لازم تتوقع إن العدد يقل لأن الثقة فيك قلت كقيادى، وده على فكرة من أهم أسباب خروج الناس بعدد قليل، الناس حست باليأس.. هتروح تهتف وتروح.. مفيش تغيير.. مفيش قيادة بتفهم أو عندها مقدرة علي تحمل مسئولية، مش العنف أو رد العنف زي ما بتقولوا يا بتوع جبهة الإنقاذ اللي قلل الحشد”.

واختتم قائلا “واجهوا نفسكم بفشلكم وبغبائكم عشان تعرفوا تصلحوا نفسكم الأول إذا كان عندكم نية للإصلاح أصلا أو شوفتم إنكم كنتم ساذجين”.

 شبكة رصد