سارة جمال

أيمن مهني يحيى لـ «النديم»: شتمونا وقالوا لنا يا كفره رموا مياه على الأرضية وكهربوها وكنا بنتنطط من الكهرباء..

الضباط كانوا بيتسلوا علينا وينادونا بأسماء ستات .. ورمونا في الشارع بعد 4 أيام بدون تحقيق

حجزوني في مدرعة بعد القبض علي والعسكري اللي بيضرب قنابل الغاز كان عاملني سلم يدوس عليّه وهو طالع وهو نازل

نشر مركز النديم لتأهيل ضحايا العنف والتعذيب شهادة احمد متظاهري الإسكندرية يدعى أيمن مهنى يحيى، عن وقائع القبض عليه والتعذيب بمعسكرات الأمن المركزي بالإسكندرية .. واكد أيمن في شهادته انه تم القبض عليه اثناء مشاركته في تظاهرة بالإسكندرية بعد ضرب شخص في زى مدنى له على رأسه وسقوطه مغشيا عليه.

وأضاف مهنى انه كان مشاركا في تظاهرة أمام المديرية بعد أحداث الاتحادية وتعرية المواطن حمادة صابر، وأن المظاهرة ووجهت بقنابل غاز كثيفة ، وان مدرعة شرطة قامت بملاحقة المتظاهرين في الشارع.

وأشار الى انه تم حجزه في المدرعة بعد ان فقد وعيه قائلا “فضلت مرمي في المدرعة طول وقت المظاهرة، والعسكري اللي بيضرب على المظاهرة قنابل كان عاملني سلم يدوس عليّه وهو طالع يضرب، ويدوس وهو نازل.. لحد ما المظاهرة خلصت، كتفوا إيدي وراء ضهري بالأفيز البلاستيك وحطوا كيس أسود في دماغي”.

وقال مهنى أنه نقل بعدها مع آخرين لمعسكر أمن مركزي حيث تواصل التعدي عليهم بالسب والضرب ” كانوا بيشتمونا ويقولولنا يا كفرة ويرموا مياه على أرضية الأوضة ويكهربوا المياه بسلك كهرباء نفضل نتنطط من الكهرباء”.

وأضاف مهنى في شهادته التى سجلها النديم ” بعد كده الضباط يتلموا علينا بالليل، يتسلوا علينا يقولولنا “انتوا السبب إننا مش عارفين ناخد أجازاتنا”، ويربطونا بحبل في رقبتنا ويقعدونا على الأرض ويقولولنا “هوهو.. اعملوا كلاب”، ويقولوا لكل واحد يختار إسم ست نناديك به، وينادونا بأسماء ستات”.

وأكد مهنى انه بعد 4 أيام لم يتم عرضهم فيها على اى جهة تحقيق او توجيه اتهامات لهم ” رمونا في الشارع في حتة زي الوكر، الناس تخاف تعدي فيها بالنهار.. إسمها “ضهر حديقة الحيوان” على ترعة المحمودية .. جرينا بشكل هستيري عشان نبعد عن العربية، أنا ماكنتش قادر أجري، فضلت أزحف على الأرض لحد ما بعدنا وروحنا بيوتنا”.

البداية