هاكر: الجماعة كرهتني في الثورة

كتب ـ حسن الهتهوتي:

أعلن مُخترق صفحة ”شبكة إخوان أسيوط” على موقع ”فيس بوك” عن الإطاحة بصفحة جديدة، تابعة للجماعة، تحمل اسم ”إخوان بلقاس” وتحوي 12ألف عضو.

وكشف المخترق عن معلومات عنه، في حوار، قال إنه دار بينه وبين صاحب الصفحة ”الإخواني” جاء فيه إنه لايكره الإخوان، وقام بصحبة والده ووالدته بانتخاب الدكتور محمد مرسي في انتخابات الرئاسة، لكن السبب في ذلك هو أن ”الإخوان كرهوه في الثورة” على حد قوله.

وأضاف، إنه يبلغ من العمر 22عاماً، ورفض عرض من الشاب ”الإخواني” لرد الصفحة مقابل أن يُرسل له ”كارت شحن”، ورد عليه قائلاً: ”أنا مش بكره الاخوان، بالعكس.. وأنا الحمد لله مشرف مصر، واخترقت مواقع اسرائيلية بالهبل، ولسه مدمر كاميرات مول بالكامل في اسرائيل وراعبهم، ومعايا فيزات كتير أوي، تخلينى باشا، بس أنا مبحبش الحرام.

وأضاف: ”على فكرة أنا انتخبت مرسي ، وأمي مش بتعرف تمشي حلو، خدتها بتاكسي تنتخب مرسي، بس أنتو كرهتونا في الثورة، وعمالين تقولوا علمانيين واحنا بنصلي ونصوم”.

وأكد: ”معايا ملفات ناس ليكم بتشتغل من (دولة عربية) في الخفاء، بس أنا مصري شريف مش هأذي أخواتي.. حسوا بقي بمصر شوية، يعني لو الواد ده اتمسك في (الدولة العربية) هيقولوا خلية اخوانية، والاقتصاد مش ناقص، وحياة النبي لو بتحبوا مصر خافوا عليها أرجوك.

مصراوى