توست التونة على “سفرة دايمة”
النهارده هنعمل مع بعض توست التونة بطريقة بسيطة وجديدة، ممكن تعمليها وجبة فطار ليكي ولأسرتك وتقولي لنا على رأيك..
توست التونة
المقادير:
علبة تونة مصفاة من الزيت
2 ملعقة كبيرة كرفس مقطع قطع صغيرة
ملعقة كبيرة بصل مقطع قطع صغيرة
1/3 كوب جبنة شيدر مبشورة
2 ملعقة كبيرة مايونيز
2 ملعقة كبيرة زبدة
2 شريحة توست
ملح وفلفل
شطة
الطريقة:
1- ضيفي على التونة البصل والكرفس والشطة والمايونيز وقلبيهم مع بعض كويس، وبعد كده ضيفي الجبنة والفلفل والملح واستمري بالتقليب.
2- ادهني التوست بالزبدة من الناحيتين وحطيهم في الفرن لمدة دقيقتين، وبعد كده طلعي التوست من الفرن واقلبيه على الناحية التانية ودخليه الفرن تاني لمدة دقيقتين.
3- افردي التونة على التوست ورشي عليها الجبنة والشطة ودخليها الفرن لمدة 6 دقائق، وبعد كده طلعي التوست من الفرن، وقدميه.. وبالهنا والشفا.
[media width=”400″ height=”305″ link=”http://www.youtube.com/watch?v=F_6RRtOOCCk&feature=g-all-xit”]
بص وطل
